女仔最憎聽到的關心說話

好多死毒男，成日以為下下都「關心」條女，就會令到佢中意你。

但聽都聽過啦：「男人唔壞，女人唔愛」。你對啲女人咁好，其實無用嫁！因為佢地根本唔會珍惜你。

如果你成日ｗｈａｔｓａｐｐ加口埋口都講以下呢啲說話，你係個女仔，都覺得煩啦！

早前有人網ｕｐｌｏａｄ左張圖，大概話男人最鍾意就係叫女朋友飲多啲（熱）水。你話你病，佢會叫你飲水；你M痛咩？都係叫你飲水；發燒呀？飲水啦，快啲好㗎！「唔回應又話你唔關心佢，應完又唔啱聽！」

少年你太年輕了，你以為女仔唔知你幫唔到佢咩？佢知㗎！所以佢係想你關心佢，多過想你夾硬搵嘢應。唔怕老實講，以下6句可能係女朋友最唔鍾意聽到嘅「關心」，男友們留意喇！

原文：sizz

1. 飲多啲水！

醫生叫完佢飲水，輪到爸爸媽媽叫，同事又會提醒佢要飲暖水，連樓下看更伯伯聽到佢有兩聲咳都係叫佢飲水，你真係覺得佢係想男朋友同佢講句飲多啲水？

2. 早啲休息。

早啲休息/早啲瞓，通常係講完飲多啲水之後會講嘅嘢。

3. 冇事吖嘛？

唔好講病，有時唔開心，女朋友都會第一時間話畀另一半知。「冇事吖嘛？」有呀！梗係有啦！冇事佢點會話唔開心呀？

4. 唔好唔開心。

點樣可以唔好唔開心？定男朋友覺得呢一句就可以令女仔開心返？如果唔好唔開心就會開心返，佢應該唔洗搵人傾。

THE BEARS SCHOOL CAFE率先開放 JACKIE熊可愛造型美食

5. 唔好諗咁多。

可能你真心想佢唔好諗咁多，但對一個成個腦都係負能量嘅人嚟講，呢句說話係一啲效果都冇。

6. 唔好理啲人啦。

同上。如果咁容易就可以唔理，佢一早就豁達咗。

男朋友要知道，喺女仔眼中，敷衍係睇得出㗎，講咗唔等於你關心咗。「頂！咁究竟要講乜先滿意？啲港女真係好麻煩！」其實就咁嘅，重點就係喺「講」呢度，男仔執著於「要講乜」，而女朋友其實有時係寧願你「唔講」。嚇？即係點呀？即係叫你做囉，你想佢飲水吖嘛，拎埋杯水畀佢，佢咪覺得你真心囉。你估佢唔知「唔好理啲人」就會冇事？但當下佢嬲吖嘛，你靜靜哋聽佢講曬，好似媽咪叫BB喊出嚟咁，佢發洩完就會識諗㗎喇。加油啊巴打！

轉載請註明來源：今天頭條