我本身同男友關係唔錯，一齊左兩年。但近排我聽佢呀媽講野口氣，嫌棄我呀爸老土，直程睇我呀爸唔起。我男朋友呀爸係做生意既，算搵到食，佢爸爸好勤力，以前日熬夜熬，守住間鋪，衣家算賺到錢，屋企係中產，而佢呀媽就係無野做，係屋企日瞓夜瞓的人。的確，我呀爸係一個學識少的裝修師傅，外人睇覺得佢老土，粗聲粗氣，但我呀爸其實好好，佢又唔煙唔賭，賺所有錢都用哂黎養育我幾兄弟姊妹，由於我呀媽要返工，佢會做家務、煮飯俾我地食，衣家我岩岩讀完大學出黎做野，佢都密密做，賺錢支持屋企。

我尋日無意聽到佢呀媽咁講，我個心好傷心。我好尊重aunt，但估唔到佢係咁諗我爸爸。我男朋友知道左，佢話佢媽咪口快快咁講，係無意，不嬲鍾意亂講野。但我仲係唔開心，因為係我心目中，我呀爸係好好的人，我唔想人地唔尊重佢。我衣家有少少唔鍾意佢屋企人，更加唔知點面對佢地。有無人俾到意見我

文章來源: https://www.twgreatdaily.com/cat99/node1333093

轉載請註明來源：今天頭條