尋日公司有個女同事連續7日落鋪頭做promotion ，終於腰痛要請假，老細就發哂脾氣問點解唔返。仲喺Admin群組發段咁嘅嘢，好似要警告佢，又似係殺雞敬猴。唉~~~

大家點睇？

你老細痴線

前兩日凍親/熱親,過兩天頂唔順請假,咁係唔舊患呀?

病假唔可以係舊患?同勞工處講呀!

唔使理,照請,有事最多搵勞工處,或者轉埋工,你估呢間公司會發達?

唉，成日都係咁！

記得有一次下午我要請兩個鐘去接個女放學，我已做哂自己D嘢，並且應承之後會做多兩個鐘補返，佢已經即刻黑面，仲返問我: " 你老婆無返工喔，點解唔叫佢去接吖？"

唔通來返工就唔可以有私事要處理咩？

平時OT就唔俾OT錢，只可以補假，而且係佢話邊日就邊日，無得揀！

總之就想請假就預咗一定會俾人鬧。

轉載請註明來源：今天頭條