近日喺內地人氣急升嘅沈震軒，之前透露約滿無線後未諗好去向，不過就會積極裝備自己，報讀演藝課程。由九月講到十月，十月講到今日十一月喇，今日…沈震軒終於正式約滿。
10年前，當年只得23歲嘅沈震軒（Sammy）參加無線舉行嘅《TVbeople》選拔賽而入行，10年後嘅今日，33歲嘅佢正式離開無線。
佢系喺2006年參加選拔賽加入無線，當時真系好嫩口。
沈震軒（右三）
2007年加入無線藝員訓練班嘅佢，喺2008年終於有機會出演劇集《甜言蜜語》，之後仲先後參演處境劇《同事三分親》同《畢打自己人》，不過都可以話系一位「無名氏」！之後出演過N套劇，但系都系一個閒角。
直至2011年遇上《潛行狙擊》，在劇中愛上咗黃宗澤，終於成功靠「基男」「爆登」一角令大家記得咗佢！詳情戳藍色連結：他是TVB最帥男配角 出演情.色片劈腿外圍女，現如今喊話求真愛
《使徒行者》
2014年沈震軒再有另一代表作，就系《使徒行者》！而呢一套亦為佢帶嚟《TVB馬來西亞星光薈萃頒獎典禮2014》 「最喜愛TVB飛躍進步男藝員」一獎！
直到2015年，終於有機會喺《衝線》做「男二」，而最後一套為無線拍嘅劇就系今年播出嘅《性在有情》！
沈震軒在《性在有情》中飾演一個尋求『性治療』的保守老師，而王君馨在劇中飾演性上癮女教師，外形純情的她晚上卻化身「夜之女」四出獵食，透過性愛填補心靈創傷。她在劇中奪走了沈震軒的處男之身。
沈震軒本來喺歌影視發展，但佢一向緋聞不絕，喺大台拍劇就同蔡思貝、龔嘉欣傳過緋聞，憑《喜愛夜蒲》系列溝女戲上位，片中有暱稱「蘭桂坊USB」，現實中亦稱得上「娛圈USB」溝盡圈中女神。
「夜蒲形象」令人深刻，亦唔得太陽娛樂大老闆周焯華（洗米華）歡心，講沈震軒「形象花弗」，遂下令放入雪櫃。
除了被洗米華雪藏，還因不肯與TVB加簽長約而被雪藏，直至去年十一月被召回隨公司到澳門出席開幕活動才漸露曙光。
喺呢10年，發展好似好順利，但佢沒有甚麼「一夜爆紅」，好似枝蠟燭咁，著嚇又熄嚇著嚇又熄嚇，未試過長著。不過佢嘅表現有目共睹！而佢最近仲開始北上掘金，佢坦言酬勞系好好，但始終冇喺香港工作咁開心。
出演內地劇《你好，喬安》
藝員訓練班出身嘅佢，之前就大讚無線系一個訓練自己嘅好地方，今日終於都要結束同無線嘅十年賓主關係。雖然佢未有公布新去向，不過就喺社交網同大家share要離開嘅消息，感恩自己嘅演藝事業由電視台開始。
仲講到明期待喺不久嘅將來同無線會再次合作㖭，佢話：「十年一轉變。今天正式約滿離開TVB。感恩我的演藝事業從電視台開始。期待在不久的將來再次合作。現在投入劇組拍攝電影。」網友們都紛紛留言叫佢加油，唔知佢會何去何從呢？
10年間未試過真系爆紅，但佢演技都得到肯定！
轉載請註明來源：今天頭條