原本諗住同女朋友搬出黎住好正，可以成日啪啪啪都冇所謂，但自從搬左出黎住半年之後，先發現好大問題，去到受唔住想分手既階段。淨係呢六宗罪已經好難頂：

1. 本來啲衫多到死，要我摺，咁都算啦。最煩係佢成日都要襯成粒鐘，最後試到一堆衫之後要我摺返好曬。咩事呀？我係h&m sales呀？

2. 平時沖涼起碼沖一個鐘，唉，又算啦，但最癲既係到我去沖／去廁所既時候，成個廁所變到水舞間咁樣，有一兩次仲差少少仆親。

3. 又係佢話兩個人一齊住，想養隻狗仔冇咁悶。我起初反對，但最後佢死話養，咁咪養囉，但買左隻狗返黎，同佢玩唔夠一個月，就開始唔點照顧隻狗，平時散步、執屎全部由我負責。

4. 本來諗住一齊住搞野方便左，但一齊住落之後，頭果排係幾頻密既，但之後佢好似厭左咁，成日話攰／冇心情／第日先，拒絕到我冇曬癮。

5. 唔煮飯唔緊要，但冇理由連一齊出街都懶嘛，最後搞到我每餐都變左外賣仔，次次都係我買野返屋企食，然後佢自己就喺屋企睇劇。

6. 女人黎m心情唔好，我明，但我哋同居左之後，每次都搵我做出氣袋。喂，我都係人黎架！

我諗住呢幾日就講分手，大家點睇？

轉載請註明來源：今天頭條