年尾就滿28歲、靚模出身嘅文詠珊（Janice Man），佢早喺14歲時喺街上被星探發掘，簽約種星堂成為模特兒，成為香港靚模始祖，更有「靚界女神」嘅稱號。當入加入娛樂圈，JM多為媒體擔任模特兒，幫手做嚇試妝、styling、拍廣告之類嘅工作，頗有名氣。

直至到07年，JM獲邀客串電影《十分‧愛》，便正式拓展佢喺電影圈嘅事業，佢先後拍過《愛‧斗大》、《內衣少女》及《愛情故事》等電影。

《內衣少女》

09年簽約黎明經理人公司，由0靚模晉級為「模Art」，show價直線上升。JM在約3年前成立自己嘅工作室做老闆。

前年更過檔到太陽娛樂文化，先後接拍《巴黎假期》、《赤道》、《寒戰II》同近日上映嘅《兇手還未睡》等電影。

《赤道》

《寒戰II》

其中JM憑《赤道》入圍「第35屆香港電影金像獎」最佳女配角，雖然佢未能獲獎而歸，但佢當晚個打扮至今仍為人津津樂道。

過去呢兩年，JM大部份時間都喺大陸拍劇，拍完一部又一部，話咁快就變咗小富婆。不過，過去兩年JM最大嘅收穫，一定系識到今年33歲嘅吳啟楠（Carl）喇，婚期唔遠嘅佢，仲即將以女主人身份，入主Carl喺大埔比華利山嘅洋房添！

早前JM接受訪問時提及同Carl打算同居，仲搵咗比華利山做.愛巢，佢就冇否認：「準備咗搬屋好耐，冇時間搞新屋嘅嘢，所以o依家一有時間，有一、兩日都會去睇一睇，搞咗一段時間，不過都希望儘快可以搬，因為嚟緊又有三個月去北京做嘢，所以我諗出年先有時間再搬屋。」

至於講到好事近，Carl已向咗佢求婚，即系婚事有共識，JM表示：「多謝關心，o依家自己都好忙，大家忙嘅程度系差唔多，所以好有共識系好開心，但o依家時間都希望做嘢先，大家都唔急，好開心，好穩定。」

雖然揀男友眼光獨到，個個都好有米，不過情路唔系特別順噃！

JM最早同有米肥仔李冠鋒拍拖7年，分手後又傳翻撻，令JM喺2011年要向外宣布同李冠峰分手，分手後兩年內仍多次被影到兩人經常出雙入對，掟煲唔掟蓋，之但系李冠鋒最終同咗靚模郭穎兒（Celia K.）註冊，Celia升呢做李太。

李冠鋒與太太郭穎兒

2011年當時JM仲未同李冠峰分手，但被發現同時密會劉浩龍，大熱天時兩人選擇到中環食麻辣火鍋，被安排坐開揚位置，結果兩人食飯避忌，被指搭上劉浩龍。

JM與劉浩龍

JM曾傳過搭上富二代衛以德，被影到拍拖食一蘭拉麵，又見過佢去跑馬地按摩，緊張咁胸壓男友手臂，據知衛以德家族做製衣生意，更指當JM越住越豪華，仲搬埋去屯門豪宅星堤，拍拖兩個月已同居，不過最終都分手收場。

JM與鄭子邦

JM於2014年準備離開AMusic自組公司，有新出路嘅JM相約好友食飯，興奮過頭大解放，連出迷魂鎖，兼「3巴調情」輕拍的士車行太子爺鄭子邦，溫馨浮現，不過「的士邦」目前系姚子羚男友，拍拖以嚟都好sweet！

JM經歷感情起伏，終於情歸圈外筍盤吳啟楠，祝福喲！

轉載請註明來源：今天頭條