我成日覺得,做得空姐要四圍飛,

會識到好多唔同既男性,有錢/靚仔顧客又好,型棍機師又好,

係第二邊落左機之後會做D咩又無人知,

會令到男友好無安全感

雖然好多人講:[男既有實力,洗驚女既會走]之餘止類既說話

但亦無阻小弟對於女方不信任既心情

請問各位師兄師姐,

你地同意嗎?

而且想問下D空姐佢地點成家立室架?(轉工/轉係地面做野?)

(利申:我有位好想做空姐既女朋友,話係佢夢想,無論花幾多年都要入到

)

睇哂所有留言，壞既結果多過好既，令到我愈唸愈灰。

始終佢仲後生，大把機會，尤其味見過世界既女仔，一落機去到全新廣闊既地方，認識各種人，好難話唔心鬱郁，遠水不能救近火啊��

To:樓5 babo^_^

我以前就有一位啦....佢又真係好PK....不過我就覺得並唔係個個都係咁既...但就好大部份都係咁....另外有一個朋友本身唔係做空姐...但後尾轉左之後又係變左.....

我就覺得唔關係咪自己實力問題..而係個女仔本身既性格...或者佢咁岩群果班空姐係點...係咪鍾意出去玩....出去蒲.....

味係囉,我依家個女朋友份人都好純下,假設佢真係入左行做空姐,如果要我睇住佢由好變壞再到分開,真係比死更難受p.s 我唸野係唔係負面左小小

117樓 andonlyu

"其實做邊行都會", 但都有分邊啲高危,邊啲低風險. 而行業既性質都會影響人既價值觀同想法.

有啲行業忙到得閒死,唔得閒病,偷食機會較低.

空姐呢類,不知為何受歡迎啲, 而且一人在外, 想搵人陪下個時, 又會諗偷食無人知, 會容易啲出事.

116樓 littlegloria

今時唔同往日, 依家機票平, 坐飛機已經平民化, 做空姐已經並不高尚, 接觸人多也並不代表見識多, 所謂周遊列國也只不過在飛機上或機場附近, 仲要睇嚇佢飛邊條航線, 如果國內短線, 恐怕你膽心女友變殘好過!

93樓 stanargo

我做過呢行，見過有 d 女仔初入行係好純，不過唔夠一兩個月

通常都比 d MANGER O答O左

同機師就未必，此終唔係成日接觸得到

新人都唔會咁快有頭等你做

至於做副業，每間公司都總會有人做既

不過唔會多

最大可能都係比其他男同事或者上司食o左

71樓 hkfnstang

99%會冇,就算好人好姐,出到去外地,D同事一定叫你出去玩,十次總會去一次吧?(後生女分分鐘十次去十次),去到型男金主賤男,好彩就俾人溝,唔好彩落藥強輪咩都有...尤其外地叫天不應叫地不聞...99%都會俾人上

做男友的,你都冇咩法子,唔俾佢去又怨你,入左行你擔心,多問又話你煩

69樓

以下說話唔係想打擊樓主,但我見咁多例子十之八九都會散

先唔好話感情上會唔會出軌,剩係計生活模式都有好大轉變

你係香港就朝九晚六,佢周圍飛就可能幾日唔係度

剩係咁的生活模式未來點KEEP? 可能你又會話人地做醫院/警察番SHIFT都係咁

不過最起碼其他工作番SHIFT得黎係地本番,就算你話時間唔夾見唔到面都可以MSG+電話

但做空姐分分鐘就幾日搵唔到人,由其做長途機來回

所以真係要諗諗大家的生活模式啦,我見好多時最後都係分手收埸

之後各自搵番夾到自己生活模式的另一半

31樓 jeanioio

我識有個今年都30尾，佢後生果時係空姐，但因為想同男朋友見多啲同結婚，做左2-3年就冇做，佢話當時兩個成日嘈，因為佢成日飛來飛去，好少見。最後佢轉工，同男朋友結婚、生仔。

今時今日佢地算中產，佢做個普通文員，老公自己做生意，有兩個仔，我覺得個女人好 enjoy， 亦冇後悔，其實我覺得有時唔關職業時，最重要係個人本身性格。

轉載請註明來源：今天頭條