無綫新劇《來自喵喵星的你》搵嚟田蕊妮扮貓咪夠曬話題性，點知好戲在後頭，劇中飾演勇猛女警嘅胡定欣，為左查案無所不用其極，除左扮大肚捉賊，嚟緊仲會著上超性感馬甲示人，myTV SUPER fb連續兩日上載左兩段胡定欣喺劇中性感演出嘅絕密片段，睇到一班網民都話流曬鼻血。
四腳蛇掉左入件衫度
第一段胡定欣先嚟唔知做羊系咁尖叫，仲伸隻手入去件衫度起勢咁摷，摷摷嚇仲除埋衫添。咦！點解胡定欣會著兩個Bra嘅，唔通會舒服啲？原來呢個絕密片段，系嚟自星期二播出嘅第二集，劇情講到胡定欣同上司蔣志光為左捉拿花名「四腳蛇」嘅神偷，偽裝成兩公婆上產前練習班，好快「四腳蛇」就露出破綻，於是胡定欣就同「四腳蛇」展開追逐戰，點知追到入後巷嘅時候，畀「四腳蛇」搵到一樣犀利武器，一條活生生嘅真．四腳蛇！佢仲好唔人道咁將條四腳蛇掉左入胡定欣件衫入面，搞到喺劇入面好驚小動物嘅胡定欣即刻投曬降，電視播到呢度就完左。
戴足兩個bra
而胡定欣之後點做，再喺絕密片段度交代番。首先佢伸隻手入件衫度想捉番隻四腳蛇出嚟。但系胡定欣捉極都捉唔到，唯有除左出面件衫，淨番個Bra，頭先都講過定欣扮緊大肚婆上產前練習班，為左營造豐富嘅身材所以咪帶兩個Bra蘿。胡定欣除淨個Sport bra系咁跳，網民就留言話自己對眼都跟住佢系咁跳，仲有網民話胡定欣身材咁好，使乜帶兩個bra呀！至於呢條片系點流出嘅呢？咪就系走甩左嘅神偷「四腳蛇」偷拍㗎蘿。
好野唔怕曬
第二條片一開始胡定欣就用「喵喵星話」唱左段音樂，本來都冇羊特別，突然鏡頭一轉胡定欣就喺間房度試衫照鏡，佢攞住件黑色超性感連身馬甲，佢話：「點著呀？」之後佢自信番曬嚟，佢仲自讚：「我前凸後翹，又有長腿，怕羊呀！」果然胡定欣就換左套衫出嚟，不過佢就閃閃縮縮咁捉實件外套，驚人睇蝕咁。點知鏡頭左面突然殺左四個妙齡女郎出嚟，仲對住胡定欣笑添！激到胡定欣即刻豁出去，鬆開外套挺胸收腹，大騷事業線加黑絲長腿，睇到網民眼都凸埋，勁話胡定欣真人不露相，一啲都唔輸蝕畀嗰四個後生女！
轉載請註明來源：今天頭條