大台新晉花旦李佳芯近日憑喺《巨輪II》中被老戲骨吳岱嘢掟錢鬧臭x一幕而人氣急升，觀眾突然對呢位下個月就34歲嘅女星認識多咗，相比起以往佢喺《學是學非》做「是非精」，明顯知名度高咗好多，觀眾層面都闊曬。

今日李佳芯周刊爆佢喺今年年初同大台加簽咗5年合約，換取喺啱啱播完嘅《律政強人》中擔正，結果又被佢成功跑出，更有指佢啲戲好過大台力捧嘅陳凱琳同蔡思貝，睇落星途大有轉機。就連新劇《踩過界》都系由李佳芯做女主角，而備受力捧嘅蔡思貝就靠邊站。

不過，由有線過檔去大台、身為「餘黨」成員之一嘅李佳芯，就被周刊爆佢最近俾高層余詠珊「照肺」，叫佢要將同現時效力ViuTV嘅奀星陳炳銓要「保持距離」，由於女嘅已經系女一級人馬，但男嘅仍然系……，所以為免被拖累就……（大家懂的）

而李佳芯喺被照肺後立即做嘢，對內就叫陳炳銓低調的，周刊引述陳炳銓身邊人士話，李佳芯冇話要分手，但就叫男友暫時唔好見住，不過陳炳銓似乎都已經打定輸數，預咗戀情凍過水，而李佳芯亦已搬離兩人喺西貢嘅愛巢，取消同居生活，返筲箕灣娘家住。

李佳芯對外就同陳炳銓全面切割關係，劃清界線否認拍拖，不過，佢應該真系好緊張依家個位，因為李佳芯同陳炳銓其實被影到喺街頭咀嘴，而李佳芯喺今年3月已經被周刊爆過佢同陳炳銓拍拖已1年，當時仲話雖然男方其貌不揚，但勝在把口啷過油，所以俘虜到李佳芯芳心，不過當時嘅李佳芯仲未帶男友見家長。

其實依家啲觀眾好明事理，點會咁易因為個星拍拖就走咗去，更何況李佳芯成34歲，到曬適婚年齡啦，攬住事業唔嫁的話，邊個負責先？

轉載請註明來源：今天頭條