話說又到件尾，唔知點解今年特別多人結婚，早幾日已經收到今年內的第三個粉紅炸彈，係一個唔係幾熟的舊同事上黎公司派的。

我地公司不嬲都有個whatsapp group，裡面當然係充滿親愛的同事們啦，亦都有好多係已經走左的舊同事（包括派貼嘅呢一位）

甘佢早幾日派完貼走左之後，今日突然係whatsapp group講野，開頭都係D無謂寒暄，

睇得出佢有心將個話題拉去佢結婚果度，跟住話自己係某某高級酒店擺好重皮乜乜乜希望可「回本」...

最好笑係之後仲POST左一段新聞俾我地睇(下面會貼出黎)，我地成班同事即時收曬聲...無人應佢！

踏入結婚旺季，不少人為畀人情「頭痕」。

據婚宴搜尋網公布的《香港婚宴人情打和價統計2016年第二季報告》，綜合全港516間婚宴場地，連同加一服務費、基本酒水婚宴菜式價錢，平均，每圍要10,982元。

今年港人人情較「疏爽」

以基本菜單計算，到酒樓出席婚宴的人情回本價為544元、會所及其他場地是807元、酒店則為915元。

以5星級半島酒店為例，基本婚宴菜式每席18,880元，加埋酒水2,580元及加一服務費，人情回本價是1,967元，堪稱全港最貴！

到半島酒店飲宴，「人情價」為2,000元，新人才可「回本」。

相比位於ICC頂層的酒店人情回本價為1,722元，仲貴過迪迪尼酒店的1,648元。

婚宴司儀直言，即使今年港人人情較「疏爽」，但到五星級酒店出席婚宴，只比人情1,500元新人都係「蝕本」。

首席婚宴司儀Jack指，據其觀察今年港人對給人情較「疏爽」，比去年增約20％，

「到一般酒樓飲宴會給500元至800元，酒店則由800元至1,500元不等。」

他指，本港5星級酒店每圍酒席收費不菲，酒樓則約9,000元至10,000元，「部分新人其實好難回本。」

轉載請註明來源：今天頭條