吳岱融喺TVB劇集《巨輪2》飾演大奸角高天鷲，劇中有極強占有欲，只要俾佢睇中就要不惜一切得到。

好似尋晚我哋出文講過佢對自己養女高伊娜（陳凱琳飾）起色心，前晚果集竟然可以侵犯陳凱琳～

雖然大家對佢恨之入骨，但系反而人氣急升。好多觀眾都話佢夠曬霸氣、男人味爆燈、而且演技又好，被唔少觀眾狂贊佢夠陰險超搶戲。

而相反，一向都出名好戲慨廖啟智今次喺劇集《律政強人》飾演貪心陰險律師KC，就被唔少香港觀眾話佢演技過於浮誇，好似做舞台劇咁。

有觀眾甚至提議將二人角色掉換，由吳岱融做KC、智叔做獸父，咁又會唔會擦出火花呢？

有好多人就撐鷲哥，紛紛話：「鷲哥演得好好喎，入型入格又有霸氣」、「我覺得鷲哥做得好過KC」、「鷲哥戲路正確，好多有錢佬都系咁慨脾氣。相反，KC點扮都完全唔似一個有錢佬。」

不過亦有人表示：「吳生經常咆哮式大叫大嗌，過曬火位，有時連對白都聽唔清楚」、「點解會有人覺得吳生做得好?佢啲所謂演技做舞台劇都嫌佢過火，同其他演員格格不入，佢啲對手見佢咁夸都好似唔知比咩反應好」。

最緊要慨系，好多人仍然放唔低鷲哥曾經拍過激情片。咁又系，KC喺劇中明明系性無能，一諗起鷲哥以前慨激演就……

唔知大家又覺得佢哋角色掉換O唔OK呢？

轉載請註明來源：今天頭條