我男友未同我一齊之前有段時間無拍拖生活又簡單，所以儲左一筆錢都有差不多十萬，

到同我一齊左之後半年左右因為買股票關係將所有錢「洩」曬，仲「洩」突，

其實識佢既時候都已經知佢一路都有買開股票，

可能以前賺過錢覺得呢D錢易搵所以越買越大，越買越高風險，我有同佢講過唔好買得太盡，

但佢覺得自己眼光好又想搵番失去既錢，到最後就損手爛腳收場，

拍拖初時已經講過話幾年後結婚，而家唯有將結婚日期一再延遲，

本來有一筆可以用來結婚，而家無錢之餘仲有一筆欠債要每月還差唔多千五還2年先至還完，

扣除比家用及還債，每個月只有4千係用來拍拖及儲錢，真係唔知要儲幾耐先至可以結婚，

佢話五、六萬夠啦，我就同佢講可能唔夠，佢就會話我比壓力佢，又話我唔同慳連五、六萬都儲唔到，

其實我只係要求好簡單既婚禮，但係有D錢根本無得慳，例如比女家既禮金，影婚紗相，結婚後住既屋呢，

呢D都係唔可以慳亦無得慳，男士們可能唔明我點解咁講，

女士們應該會明白，無一個女仔會希望自己會有一個會後悔既婚禮，

我自問我要求已經好簡單，點解D男人只係會埋怨我地D女人貪心要求多，有無切身處地咁為我地女人諗下，

你地男人同女人一齊付出係金錢，而我地女人同男人一齊付出既係青春，

錢無左可以再搵過，女人無左青春可以點搵，

男人有錢幾時可以搵過第二個女人，女人到左某過年紀仲有幾多個可以選擇，

女人最自私既就係叫男人儲錢同佢結婚然後把自己既一生幸福賭上，有時真係唔知我自己既諗法啱唔岩喇!

可能會有人覺得我諗法好似好自私咁，所以我都會接受大家善意既提醒

，

希望所有睇到呢篇文章既人都請睇清楚我所講既每一句說話，要整篇一齊睇，

千祈唔好因為某一兩句說話而誤會左本人既意思，

我並無心去針對任何一個男人或女人，我

只係表達自己本身既故事同睇法，

每人立場唔同，意見唔同，希望大家都可以體諒！

轉載請註明來源：今天頭條