但咁又點呀？就算佢有打女人前科，咪又係不斷有女埋身。

羅仲謙近排就同楊怡完成咗個婚禮啦，個個都讚大隻謙好好仔，對楊怡好好嘅同時，

似乎無人記得當年前度傅穎指控過被大隻謙打到PatPat開花呢件事咁。

其實以下3個圈中男星都曾經被指過打女友，不過好似大家好快就無咗件事，轉頭又見到佢哋有新女友啦，然而快樂過生活啦～

羅仲謙

大隻謙宜家個個都覺得佢勁好男人，錫楊怡錫到出哂面，姊弟戀終於喺近日開花結果添～之但係，大隻謙其實仲有個人所共知嘅前度－－傅穎。

當時佢兩個同公司，傅穎突然同傳媒講曾經被羅仲謙打，仲公開佢嘅傷勢，承認咗佢哋一齊過，又數臭大隻謙喺拍拖期間不停溝女勁花心。

事件曝光後，大隻謙開記者會否認指控，只係話唔小心整瘀咗傅穎，並非蓄意。

雖然呢件事損害咗大隻謙嘅形象，唔少人都將佢同打女人掛鉤，但係由於傅穎形象都一向負面，有人認為此事為炒作，所以大隻謙都未至於形象插水。

而最終大隻謙慢慢喺大台捱出頭天，成為力捧小生，仲娶到靚靚視後楊怡做老婆添～

崔建邦

講起崔建邦，佢最大嘅成就係咪曾經有過唐詩詠呢個絕世好女友？

樣貌平平，緋聞多多嘅崔建邦，佢嘅女友們都屬高質，但就成日傳出佢打女人。

當中就令人記得嘅就係涉嫌虐打o靚模「中巴」鄺敏慧事件，鄺敏慧指控崔建邦喺女方提出分手嘅時候，

男方打佢個頭、搶手機、揑住女方條頸、推女方落地、用「鉸剪腳」夾女方頭部。

但喺開審前，鄺敏慧突然「放生」崔建邦，崔建邦最後只需守行為一年。雖然無被起訴，但事件令崔建邦形象插水，暫時被公司雪藏。

之後佢退居幕後洗底，終於又有返機會做主持啦，點知又傳出佢毆打新女友Kelly（陳嘉莉），對住女方擲iPhone，

搞到女方成隻手瘀哂，不過女方最後只肯承認分手而唔回應崔建邦有無打佢。

不過就算多次傳出崔建邦打女友，佢都依然勁多囡囡埋身，最新疑似女友就係林珊珊細女李怡啦，今年年中仲被人影到佢哋一齊睇大床，都話戀愛都係盲目架啦。

周永恆

周永恆呢個世紀賤男應該無人不知啦？當年拍《青出於藍》時，劇集勁受大家歡迎，仲同劇集入面嘅演員趙頌茹（阿Yu）拍出真愛火。

同阿Yu奉子成婚前被發現生腦瘤，但兩人一直共渡難關，不離不棄，仲生咗兩個囡囡。

而阿Yu幫Amusic為歌手設計形象，點知被人炒魷魚，當時周永恆仲出面護妻。

當全世界都以為周永恆係好老公嘅時候，就爆出家暴事件，阿Yu報案指周永恆將佢推落地導致臉部受傷，周永恆正式被警方落案起訴。

同時間，仲爆出原來周永恆同助手兼拍檔劉依靜（Ruby）搞婚外情，阿Yu更加要同佢離婚，好男人形象直插谷底。

而後來Ruby都頂周永恆唔順而分手，點知轉個頭周永恆又好快就有新女友黃芊詠（Cherie），人哋仲只有23歲。

不過後來兩人分手，Cherie更大爆周永恆曾經郁手打佢。

但咁又點呀？就算佢有打女人前科，咪又係不斷有女埋身。

轉載請註明來源：今天頭條