TVB無人用，花旦鍾嘉欣、楊怡走下一個，走下又一個，黃金時段出現嘅女星，來來去去都系個幾個。

喺新劇《律政強人》終於搵來最強小三李佳芯首次擔正，李佳芯樣靚身材好，好多觀眾都表示覺得李佳芯「好正」，點都好過搵阿咩貝同埋阿咩琳。

而近年，有觀眾緣嘅TVB姐仔確實買少見少，以下呢4位演技都OK，又有觀眾緣嘅TVB姐仔，你又buy邊個呢？

1. 李佳芯

早於《潮流教主》及《學是學非》等節目中已嶄露頭角，被譽為最強小三。

33歲嘅佢唔系港姐出身，但戲路好廣，演清純、成熟大方、性感誘人等等咩都得，加上佢守身如玉，唔會坦胸露背，實行姣在骨子裡，令佢成功慢慢彈起。

2. 岑麗香

香香公主樣子甜美可愛，笑容殺死人，雖然廣東話唔正，但憑住楚楚可憐兼鄰家女孩形象成功入屋，近期仲減咗磅，劇集接唔停。

3. 黃翠如

翠如BB樣子唔算標青，但由有線電視年代到而家，一向走爽朗貼地路線，有一份親和力。可惜近年嘅「爆粗事件」同「消防員事件」，被人圍插佢系「偽人」，形象大跌。

4. 朱千雪

人靚樣甜身材勁，被稱為民選港姐。但就系被TVB放埋一邊，有傳佢心灰意冷，決定淡出幕前，主力攻讀香港城市大學法律學院法律博士課程。哇，千雪BB呢啲就真系貨真價實嘅美貌與智慧並重嘅香港小姐啦。

文章來源: https://www.twgreatdaily.com/cat99/node1286596

轉載請註明來源：今天頭條