大台愛將吳若希，7月初先高調宣布同澳門闊少拍拖，公開地叫人娶佢，點知發現對方疑似有正印，而男友索性以「雞」嚟形容前度，搞到滿城風雨。但估唔 到，呢段不被睇好嘅愛情，連「試用期」都未過就已經玩完，今日吳小姐喺fb一句「既然認愛的時候那麼高調，那分手也要高調點～ 各位，我又恢復單身啦！」 正式話畀各位富二代知佢「重新上架」。

眼見呢段咁化學嘅愛情，網友們紛紛留言，有人好笑地問「係咪因為見到素顏？」，亦有人話佢難得搵到有錢仔，又點輕易放手呀，估計佢係被飛；而高調宣布分手，明顯係怕瘀皮。計我話，有錢仔一向都難服侍，娛樂圈中亦有唔少女星中過咗招，以下呢幾個，你又記唔記得？

陳瀅

與賭王四太梁安琪之子何猷亨拍拖半年多，有傳女方逼得太緊，令男方提出分手，頓時嫁入豪門夢碎。而女方低調處理分手事件，避走加拿大療情傷，回來後以「現在由情侶關係退後一步，但仍是好朋友」來形容兩者關係。

連詩雅

去年翻撻身家逾百億的麻將館大王後人石恆聰（Anthony），立即升呢入住九龍塘畢架山豪宅，諗住有機會嫁入豪門。點知今年年初因聚少離多，雙方共識咗結束三年情，立即被貶回庶民超級港女。

朱慧敏

同EO2嘅Eddie拍拖前，朱慧敏曾有位台灣億萬男友Rick Chang，女方高調宣示自己有人要，並隨時嫁。以為上到岸，點知有報道踢爆男方攬嘴其他辣妹索女，加上異地情轉淡，遭有米男友悔婚，分手收場。

陸詩韻

被標籤為「專釣金龜」，曾與馬來西亞華僑吳銘偉撻著。正當陸詩韻宣布與吳鉻偉已訂婚，但駭然發現男方係空心老倌，且喺新加坡早已有家室，有一個8歲嘅女。最後陸詩韻與之分手收場。

文章來源: https://www.twgreatdaily.com/cat99/node1274427

轉載請註明來源：今天頭條