金童玉女畢彼特同安祖蓮娜祖莉日前驚爆離婚，雖然外國報導指系因為女方無法忍受男方育兒方法而決裂。

但亦有傳系畢佬同奧斯卡影后瑪莉安歌迪娜拍攝新戲《伴諜同盟》戲假情真，同當年拍《史密斯夫婦》搭上安祖蓮娜祖莉而與首任老婆珍妮花雅莉絲頓上演同樣橋段。

因為畢佬早有前科，呢個傳聞亦甚囂塵上。而講到男人偷食，一定要知道佢哋偷食嘅十大原因：

1. 天生大話精

雖然登咗記，攞咗結婚證，但根本唔重視一夫一妻制，認為一夫一妻制系朿縛，而唔系真心認同。

2. 自卑

內心認為自己有好多不足，例如老咗、肥咗、賺錢唔多，需要從新戀情中獲得自我肯定。

3. 幼稚

認為對方唔知，就唔會傷害對方，但其實唔明白「穿煲」機率何其高，繼而學人「行鋼線」。

4. 受咗傷害

可能佢有一個悲慘嘅童年……曾經受過虐待、忽視等嘅人，難以完全信任或忠於一個人。

5. 期望過高

要求伴侶達到完美嘅高水平，好似喺肉體或者心靈等，如果唔合佢意，自然會喺外面搵。

6. 工作太忙

如果公事太繁重太辛苦，一個人就會想要獎賞，而屋企嘅老婆日日見，無曬新鮮感，外面誘人嘅靚女自然就系最佳獎賞。

7. 分唔清愛同好感

婚後亦會遇上唔少異性，如果分唔清愛同好感，就會輕易發展婚外情。

8. 上曬癮

對啪啪啪上癮嘅人，需要不停追求新嘅體驗，以紓緩心中嘅不安，是一種解脫嘅方法。

9. 想結束

對婚姻已經唔存在希望，只想離婚，於是發展新戀情，擺明車馬話俾另一半知：「離婚啦！」

10. 缺乏老友

男人們嘅兄弟飯局同飲酒吹水，都系一個好好嘅發泄渠道。如果缺乏呢啲渠道，有啲男人就會將情緒同問題轉嫁到伴侶身上，但如果老婆唔著緊唔上心，男人就會喺外面尋知心……

轉載請註明來源：今天頭條