TVB新劇《律政強人》已經開播三集，由方中信同廖啟智擔正斗演技！新劇一出街已經話題十足，單單系演員名單就大有新鮮感，更有4大必睇位一定唔好錯過：
1. 方中信廖啟智回巢
方中信同智叔廖啟智均系影壇大前輩，實力毋庸置疑。兩人一同回巢「救亡」拍新劇《律政強人》，喺劇中鬥智鬥力，對手戲甚多，令人期待。再睇埋演員陣容同幕後名單，《律政強人》點睇都唔會輸俾智叔被老點拍嘅《大冬瓜》～
2. 好戲之人大曬冷
唔單止有方中信同智叔，演員名單亦好有睇頭，男角有鍾景輝、曹永廉、蔣志光加上劉丹，女角方面則有郭少芸、黃智雯、李璧琦，演員未必靚仔靚女，但絕對有演技。
3. 選戰編審
預告片見到智叔講「你落台系天經地義，我上馬系大局為重！」，第一時間諗起HKTV嘅《選戰》裡面宋漫山亦有相同對白。其實並非抄，而系將自己寫嘅金句循環再用，皆因《律政強人》嘅編審黃偉強正是HKTV《選戰》編審。黃偉強回巢再度同智叔合作，今次以法律界作舞台講爭權，講人性醜惡，同樣令人期待。
《律政強人》預告片
▼▼▼
4. 「狐狸精」李佳芯做律師
新劇罕有無起用負評連連嘅蔡思貝同陳凱琳等「港姐幫」，換入TVB御用狐狸精李佳芯，Ali今次扮演黑白分明嘅律師，同以往演過嘅「妹仔」以及「狐狸精」有好大反差，伙拍方中信廖啟智兩位好戲前輩，希望Ali偷到師演得好過「狐狸精」啦！
文章來源: https://www.twgreatdaily.com/cat99/node1270689
轉載請註明來源：今天頭條