鄭世豪新歌《仍堅持》MV，向一眾默默耕耘的無線綠葉致敬，以的士司機邵卓堯帶出整個故事，現實中這位入行37年，又在無線做了27年的藝員，真的當過8年的士司機幫補生計。

他說：「嗰陣個女啱啱出世，一份人工不多，又撞正03年SARS，公司又發生裁員，我哋亦要減薪。嗰陣如果不『爆騷』，一個月一萬蚊都冇，所以電視台冇工開就揸的士囉，初時都有少少尷尬，好多時都有人認得，『咦！…你咪系做戲嗰個？』但之後傾傾下，佢哋都明白，我系演員唔系明星，你見劉德華揸的士就話奇怪啫，啲乘客都好㗎，有時我唔識路，佢哋都話兼職唔識無所謂啦。」

鄭世豪新歌MV《仍堅持》找來邵卓堯當主角，但原來邵卓堯本身的故事亦甚為吸引。

除了生活，卓堯最主要想女兒有更好的學習環境，他說：「廣告都話養一個小朋友要400萬啦，書簿費、興趣班，樣樣都系錢，我又想發掘下佢嘅興趣，咁咪做夜更的士佬囉，個女當時都唔知架，只系知我做演員，佢大嗰咗先知，唔覺得辛苦喎，做父母梗系儘量俾最好嘅自己仔女啦。」

邵卓堯當時在無線薪水一萬都不夠，為了愛女學業，兼職的士司機，認真是好爸爸。

54歲邵卓堯好多人認得，但不多人叫得出名，原來後生時曾經是邵氏電影小生，更做過電影男主角，他說:「19歲讀邵氏藝員訓練班，同期有郭政鴻、區瑞偉，21歲好好彩拍咗套電影《小毛孩奪寶奇緣》，咁票房當然系唔得啦，以前大陸戲邊有人睇㗎，之後仲轉咗行做地產，但89年嗰陣地產又死，撞啱無線又有訓練班咪去囉。」

21歲的邵卓堯當過邵氏電影小生，拍大陸電影《小毛孩奪寶奇緣》，當時大陸電影市場不像現在，基本沒有人看。

89年入無線，邵卓堯由電影小生變為電視綠葉，戲份少，有時甚至演路人甲，但他性格豁達，好快已衝破心理障礙，他說:「初時有少少唔開心啦，但後尾都知小生呢啲30歲前，有就有，冇就冇，冇得強求，我好快都知要向實力派進發，冇亂諗喇。」

在無線27年，邵卓堯和很多綠葉一樣，有得做，但戲份機會不多，難得他表示團火沒有熄過，他說：「你話有冇hea？好老實有時真系有，但好少，譬如拍拍群戲，你系其中一位，大家都知咩事，嚟執騷啫，大家開心就算，但一有戲做，我一定會捉到實，TVB其實好多我呢類演員，做咗好多年，一定系好鍾意做戲先留喺到，我哋只系爭一個機會，一個角色，呢個機會唔系要做主角，而系一個角色，就算只系得幾場戲，我哋都會全力去演，因為有戲做嘅機會真系好少，一有我哋實搏哂命。」

2010年邵卓堯終於等到一個有發揮的角色，在《刑警》飾演殘障殺手。

結果邵卓堯在2010年《刑警》等到一個好角色發揮，其中一個單元三集戲，飾演殘障露宿者，他說：「好多謝當時導演，即系依家嘅《使徒行者》電影導演文偉鴻，佢俾呢個機會，自己做完嗰角色，嗰份滿足感，系其他行業好似揸的士、做地產都俾唔到你，咁少戲份都滿足？戲多戲少冇所謂，最重要系有得做。」

邵卓堯、區瑞偉、郭政鴻，三位在邵氏電影訓媡班已認識，對於區瑞偉在《城寨英雄》彈起，非常高興。

邵卓堯早前在《Sunday靚聲王》獲頒《壞蛋王》表揚他多飾演奸角，但他絕不介意，他說：「做演員最緊要有人認得，如果做壞人，有人諗起自己，咁就証明成功啦，做幾廿年都俾人印象模糊先系失敗，個女成日都講笑話老豆你又做壞人呀？我話系呀，其實佢都明白嘅。」

區瑞偉在《城寨英雄》彈起，和他是同期兼好友的邵卓堯，不但沒有眼紅，反而替他高興，他說：「佢為咗呢個角色1個月減十幾磅呀，瑞偉都等咗好多年，佢值得㗎，駛乜眼紅人呢？話唔定下個機會系自己呢？每年都有人上位，如果成日諗點解唔系自己上位，咁你咪好辛苦？我哋呢啲有時要當演員系份工，唔好set太高目標，亦唔好計較得失，唔駛一定要自己去到幾多線明星，被人認同你系專業演員，對我嚟講已經好足夠，開工唔好hea，認真去做，一定有人睇到。」

文章來源: https://www.twgreatdaily.com/cat99/node1267592

轉載請註明來源：今天頭條