為咗擴闊自己嘅社交圈子，增加自己識到另一半嘅機會，而家唔少人都會貪快喺手機下載唔少嘅交友apps，希望能夠主動出擊。

雖然個人帳號開咗就開咗，但一直放喺度卻好似從來都無女仔搵自己傾幾句咁，咁究竟系唔系自己個樣、相片出咗啲乜嘢大問題，令女仔睇唔到自己有乜嘢吸引之處？

其實網上識人，第一眼就一定系睇下對方張相。有外國交友網站就整理出以下10招，教你執番正自己個Look，做個網絡男神。

【5點執正個Look】

1. 海灘/海邊影嘅相

根據統計，發布海灘/海邊相作為個人相片嘅人，平均44%就會吸引到異性網友主動認識，並且有38.9％嘅男人更會收到異性網友嘅聊天訊息。

2. 自己嘅單人相

要吸引到人認識你，最重要當然就要將自己呈現喺大家眼前，所以單人相絕對系不二之選，有37.2%獲得異性網友注視，34.4%收到異性網友聊天訊息。

3. 集中面部特寫

同女人相反，男人嘅相片更應該集中展示自己容貌，而並非要展示自己嘅身材。

4. 笑要露齒

如果你嘅相片充滿陽光氣質，能夠見到你開心咁露齒而笑，你會獲得40.6%異性網友注視嘅機會，以及有36.1%得到異性網友聊天訊息。

5. 著泳褲

身處于海灘當然要著返合適嘅裝束，著上泳褲就能夠令53.3%異性網友注視你，以及有41.7%嘅機會收到對方嘅聊天訊息。

【5點千祈唔可以犯】

1. 喺廁所影嘅相

同發布海灘相相比，喺廁所影嘅相做個人相片嘅人就只會有27.8%吸引到異性網友注視，以及27.8%獲得異性網友發出嘅聊天訊息。

2. 相入面有3個或以上個人

人哋系要嚟識你，而並唔系嚟玩眾里尋他，所以假如相片裡面有咁多個人，人哋自然就唔想浪費時間去搵邊一個先系你啦。

3. 全身相

相對於男人嘅身材，女人其實更為重視你嘅面容，因此相比起面部特寫相，全身相其實無咁受歡迎嘅。

4. 唔笑

苦瓜干咁見到都完全感受唔到你嘅性格，而且仲會比人唔友善嘅感覺，所以唔笑嘅相真系輸蝕好多。

5. 著西裝或者便服

西裝會俾人好扮嘢嘅感覺，好似夾硬都要營造到自己系成功人士咁，老土得嚟又唔接地氣。便服唔系唔好，但就令人覺得平平無奇，10個有9個都系咁嘅樣。

轉載請註明來源：今天頭條