話說上個月同朋友去台灣旅行，未去旅行前，我覺得尼個朋友交得過，只不過人係姑寒左dd姐！點知同佢去旅行就係覺得佢極之姑寒，可以睇清尼個人嘅人格

1）去旅行前已經問佢會唔會買反張電話卡，唔係貴又方便自己出國旅行可以上網打電話，點知條友話唔買，咁好啦，佢唔買佢嘅事，唔理佢啦，去台灣果幾日系咁叫我share wifi 比佢，第一次share比佢唔緊要，因為張電話卡用量唔多，打長途電話都係可以打十零分鐘就冇嫁啦，但佢成日叫我share比佢就覺得嬲嬲地，我心諗自己又想用又要限錢唔買！

2）佢去台灣旅行成個旅程只係用左2千蚊港紙（唔包機票住宿），佢唔係帶唔夠錢，而係唔願唱錢，想痴飲痴食！
佢2千蚊港紙包括左買手信、食野、幫人買野同自己買嘅mask、con等等。
條友成個行程食野飲野坐捷運都唔願出錢，一係話冇散紙（佢同我講冇散紙，點知有次佢去便利店買野飲見佢勁多散紙，跟住我串佢唔係話冇散紙咩，一係就叫我比錢，中途我地去左個夜市，條友見到樣樣野都想食，貴嘅尼就叫我比錢，便嘅佢就自動話佢比錢，我地行到攰口乾諗住去食沙冰，佢都話好想食，條友見價錢貴就話唔好食尼間（其實唔貴囉！百零蚊台幣炸話行多幾間睇下格下價，百零蚊台幣有幾貴呀咁都算，行左一輪，搵左價錢便d諗住終於可以坐底食水果沙冰，點知條友話唔食沙冰，話食豆腐花，佢唔食沙冰係因為一個沙冰$120台幣，豆腐花$45台幣，頂！佢叫左2個豆腐花，2個人埋單$90台幣，跟住佢就話佢比錢！跟住到下次輪到我比錢，條友就叫d貴d嘅野食，因為唔係佢比錢 後來愈來愈愈覺得佢根本就想痴飲痴食，我就話我食飽了，佢見我唔食野，佢都唔食(佢話反酒店食杯麵），因為冇人比錢&
去到間賣芝士海綿蛋糕，見好多人排隊又勁香，問佢買唔買反香港，跟住佢話唔買，其實佢好想食，咁好啦，我就自己去排隊買，排到咁上下條友叫我不如買個蛋糕反酒店大家一起食，我話唔食了，已經好飽諗住買反香港比屋企人食，心諗$80台幣一個蛋糕都唔肯買比自己食，去旅行都食得咁限不如唔好去啦，對自己都咁姑寒更何況對外人？！

3）台灣條街幾乎冇咩垃圾桶，條友飲野嘅樽放左個膠袋度，咁佢唔想攞就扮傻叫我攞住個裝垃圾嘅膠袋，佢要系手袋搵紙巾，到佢攞完紙巾抹完嘴，佢就扮傻唔攞反個垃圾袋！第一次，我忍佢，第二次都忍佢，第三次我直情話唔攞，跟佢就黑樣我心諗，我唔係做你呀四
4）條友去台灣果幾日行路勁快，行開左唔同你單聲，去台灣果幾日同佢走失左幾次，搵左佢幾次同佢講左行開唔該同我單聲，點知條友繼續我行我素反到香港機場條友嬲左我，一落機行得勁快，佢有佢自己行，完全唔同我講野，跟住我都冇理佢，完全跟唔到佢步伐，佢完全系慢跑嘅速度我慢慢行，之後唔見左佢，佢唔旦之行路快，食野都好快，野食一放到佢面前唔使10分鐘幫你搞掂食野速度似放監出嚟咁
去台灣果幾日佢講野句句串我講野好有骨，最尾留台灣果日嘅行程係約左佢住台灣嘅表姐食海鮮，咁岩果日我肚痛唔舒服話唔去想系酒店休息，條友點都唔比我留酒店休息，系咁叫我同佢一起去，又話難得去旅行唔通唔出去玩咩，我心諗，你估我想嫁，唔舒服都冇辦法啦果時勁想爆粗口罵佢去台灣果幾日都有落微微雨，佢就自己擔傘自己行，完全唔理我，唔遮下我

到買手信時，佢就住就住買，又要周圍格下價，其實價錢差唔多，相差十零二十蚊台幣，條友勁cheap，買手信時買得唔多，買完反酒店諗住將手信放入行李箱時就系咁望你買嘅手信，跟住佢攞住我一包手信話尼個係咪好好食，問我可唔可以比包佢，我心諗又唔係貴就比佢！

成個旅行係玩到嬲嬲地，最嬲嘅係佢覺得咩都係老奉先之火，仲有講野又串

其實佢嘅惡行仲未寫曬

P.S尼條友我唔會再搵佢

我系尼度純粹呻下

文章來源: https://www.twgreatdaily.com/cat99/node1266174

轉載請註明來源：今天頭條