有聽過人哋讀結婚誓詞嘅都知，啲內容離不開都系話自己無論生老病死、富貴貧窮、逆境順境，都會永遠愛護同珍惜對方呀咁。

不過今時今日咁系唔夠，結婚誓詞一定要講埋自己會永遠同對方曬幸福先得！

是咁的，話說尋日有一位32歲嘅台灣人妻好煩惱，於是向台灣一個網紅諮詢，話自己已經同老公結咗婚三年，仲有個1歲嘅囝囝，但因為老公好少陪佢出席姊妹聚會，加上老公份人又比較低調，好少用facebook，呢幾年都無乜點曬過同佢嘅幸福，搞到班姊妹就以為佢哋夫妻關係唔好，所以咪令到呢位人妻想離婚囉！

咁又系呀！雖然自己個老公要返工賺錢養家啫，但咁都唔代表佢唔使日日喺facebook曬幸福，等佢可以喺班姊妹面前曬命架嘛！你哋話啦，得班姊妹瘋狂曬幸福，而佢自己就得個睇字無得放，公平咩？

不過咁，如果唔系因為老公唔肯曬幸福，呢位人妻又邊有機會訴苦？又邊有機會紅呢？

如果換轉系你，另一半唔喺朋友圈曬幸福，咁你會唔會選擇分手或者離婚呀～

轉載請註明來源：今天頭條