陳百祥(阿叻)買馬有一手，如果喺賭場撞正澳門賭業界猛人周焯華(洗米華)， 唔知阿叻仲可唔可以牙擦擦呢?

《壹》仔就收到兩條短片，見到阿叻同洗米華兩個一齊坐喺賭檯玩百家樂，心情大好嘅洗米華即興拎個骰盅出嚟，大大聲對住阿叻話︰「輸咗飲兩杯，贏咗有十萬!」隨即惹來全場起鬨! 洗米華更揭開骰盅拍手，阿叻就無奈望住其他賭客，始乎洗米華贏咗喎。

對上一次有Mandy做人肉坐墊，喺VIP房同人賭錢羸成千萬。今次冇Mandy坐陣，洗米華就好似冇上次賭得咁盡興，期間見到洗米華拎啲籌碼疊來疊去，久唔久同阿叻傾一兩句，唔通因為張凳少咗啲嘢，所以洗米華唔多聚財?

轉載請註明來源：今天頭條