做咗婚禮顧問23年，經常聽到很多新人呻收到驚嚇嘅結婚禮物，你又有冇同感，不妨分享一嚇....

1.

禮物: 有前度EX名字/標誌/牌子嘅禮物

例子: 如首飾、香水、化妝品、服裝、公仔牌子Tiff#ny, Co#o, Kit#y,Har#y, Hu#o

原因: 觸景傷情，若係有意的，擺明攞景，朋友都冇得做！

2.

禮物: 大吉利是嘅禮物

例子: 如時鐘、鬧鐘

原因: 鐘代表送終，嚇餐懵，嬲到震！

3.

禮物:用過殘殘舊舊嘅禮物

例子:如首飾、擺設、衣服等等

原因: 曾有新娘收過一條刻有贈送者名字嘅銀手鍊，已變黑兼變形，嚇到新娘掉都掉唔切！

4.

禮物: 超大型禮物

例子: 如微波爐、抽濕機

原因: 根本就冇位擺，仲要花錢棄掉！

5.

禮物:即將過期或已過期禮物

例子:如禮劵、餐券、化妝品、食品等等

原因: 有得睇無得食，掉左仲比呀媽鬧折褔/浪費！好陰公！

6.

禮物: 超舊款禮物

例子: 如老爺電器

原因: 執到都喊三聲，掉出街都無人要！

7.

禮物: 寵物

例子: 如初生、被棄養嘅貓狗

原因: 若然根本就不喜歡寵物，又或住嘅地方不准養寵物，收到就真係頭痕！

8.

禮物: 宗教/風水禮物

例子: 如十字架，聖母像、佛像

原因: 若不相信，掉又怕褻瀆神靈，唔掉又唔知點處理，救命！

9.

禮物: 嬰兒用品

例子: 如BB車、BB床、玩貝、衣服

原因: 若不想生BB，睇到就眼冤，若想生BB而又驚生極都生唔到，睇到就壓力爆煲！

10.

禮物: 要繼續供款嘅禮物

例子: 如保險、美容院禮劵

原因: 要跟手尾，人出豉油你出雞， 多得佢唔少！

轉載請註明來源：今天頭條