先簡單介紹自己一下，我今年30頭，有穩定職業，唔食煙，外型還好啦（同事同唔太熟既朋友都認為我外表貪玩、揀擇、所以先冇女友甚至認為我扮冇女友），但其實我都失戀左一段時間，原因係因為自己比較忙、同女友少溝通。

由於朋友引誘，工作同生活圈子唔大，加上自己既好奇，終於去左試，一試就去左3次（半年內）。

不是甜故，純分享交流，因為比較多，有人睇先繼續啦

第一次去既係一個50 f vs 50 m 既所謂hotel lounge party. 我係同一位男性朋友去

其實果次感覺都幾差，主要係因為host 十分無能。完全由得你自生自滅，淨係比兩張drink ticket 你就算。但坦白講，

如果可以獨立搵食仲駛乜搵SD? 場境其實你可以幻想下去clubbing 一樣，所以如果本身比較毒同怕羞基本上同掉錢落海一樣。

為左要知道自己想要咩邊型女仔，果日我同個朋友大概識左十個女仔左右。不過真是要當自己落club 玩，可幸的係相對易識少少既因為大家始終都有目的而出席。

只於女仔quality, 其實都幾失望，真是好多都比較差，主要年紀大, 同樣貌真是一般。

至於男，好多都年紀偏大，有老態（肥，禿頭一定有幾個）。外型overall 比女仔更差，但十分主動。

我同個朋友可以叫最young，而且我朋友十分靚仔, 所以當日我地有比女媾既。

總結，第一次SD 我地最後都失望而回

第二去既經歷比較正常

係一個大約14mvs14f 既飯聚

果次我係同一個女性朋友去

個host 相對正常，起碼有d 所謂 ice breaking 既野，而且格局係一檯四人，兩男兩女一檯，先有大約一小時晚餐時間，食set dinner.

不過當然，如果同你同檯果兩個女仔都唔啱傾或者跟本外型欠佳，果餐飯都幾難頂。咁自己叫好釆，格離男士外型十分欠佳，而且話題亦比較偏激同冇趣，所以對面兩個女仔都主要同我傾。可惜既係果兩位都not my cup of tea.

晚餐後，one on one 正式開始，玩法係host 會比 一張opposite sex 既name list 大家，上面有空格可以tick, 如果end up 大家互tick, 就可以拎到對方電話。如果只有其中一方tick 就冇。而name list 下面有一個option 係全餐option,只要人地tick 你，都會交換電話。

之後host 會比五分鐘每位男士同坐自己對面既女士傾。五分鐘後，男士就向同一方向shift. 坦白講，好L攰，因為要不斷non stop 咁同十幾位女士傾，仲要移黎移去。其實到左中段，睇得出有部分女士已經覺得攰，我又何嘗唔攰呢。而且最大問題係話題十分重複，係悶既，所以我傾到第三四個就反轉d問題問，可能因為咁，會引起最後我得到既result。

到成個speed dating 結束後，我tick 左個全餐，即是只要女方tick 我，就可以交換電話。果次我中左12個。

賽後討論：14個女入面，我估有十人有30歲以上，甚至2-3人有35up。外表上，有2-3人其實叫可以。至於人品性格冇特別深究了，因為大部分冇用Wtsapp 傾，即係不了了之左。

最後有keep contact 既其實得1-2人

而男士方面，的確外在條件比較差（禿頭，肥，有幾個），但相信經濟條件不錯。年紀一般30up, 一半人35up，甚至40頭。我後來問返同我一齊去既女性朋友（佢外表正常，30頭，正常身型），佢feedback 係「差」，在佢角度，唔計我，只得一人可以揀，其他男人係不善溝通，或者太過說教、又或者外型極差。亦有自爆係已經參加左不下十次。

第二次經驗就咁完左。其實係有得著既，亦知道咩工種女仔比較多。

轉載請註明來源：今天頭條