現時最hit嘅TVB劇都莫過於《一屋老友記》

裡面除咗可以畀我哋再次欣賞到 歐陽震華嘅風趣幽默、滕麗名嘅硬朗……

當然 成套劇裡面D角色都各有特色

演員又夠曬好戲

但今日小編主要想同大家講下

「長腳蟹」呂慧儀所飾演嘅三嫂余花

過氣口靚模余花

有公主病之餘仲相當拜金

唔單止一見到名牌就「小心眼」

甚至由細到大都立志要嫁畀「富二代」

過上幸福嘅少奶奶生活

點知好死唔死

到最後都係嫁咗個做打工仔嘅老公

所以日呵夜呵，嫌老公唔夠爭氣！ 十足十「港女」性格！

最搞笑嘅係話自己做得最錯嘅事

就係嫁咗畀佢老公E件「煎釀三寶」

（港女D用詞真係夠曬貼切、新穎）

娶咗個日日成日藐嘴藐舌嘅港女翻嚟做老婆 真係鄧佢老公頂唔順！！

而且仲要鄧佢hum家心痛一秒鐘 遇著邊日佢心情唔好對住hum家發曬爛渣咪有排嘆！！

成日話阿邊個邊個好「港女」

咁究竟大家知唔知真正嘅「港女」

有D咩特徵咧？ 唔知唔緊要！

小編好貼心咁為大家搵嚟咗「港女十八式」

教大家辨別何謂「港女」

呃飯食(騙人請吃飯) 扮上菜(假扮作淑女)

你找數(要人來付鈔) 我買袋(我買名牌袋)

狂收兵(瘋狂去購物) 要車載(要車來運載)

V字手(兩指成V字) 自拍狂(自拍老模樣)

愛洋腸(喜愛洋男子) 貶港男(看扁香港男)

愛夜蒲(最好到夜店) 裝假狗(假裝好身材)

勁厚粉(化粧極濃厚) 假睫毛(載上假睫毛）

勁無品(品行極差劣) 遲大到(約會必遲到)

裝可憐(還裝小可憐) 扮可愛(更扮小可愛)

*****************************************

你哋話E D太過於書面睇唔明？ Never mind啦！ 小編再為大家盤點幾個TVB連續劇裡面經典嘅「港女」形象！

《男親女愛》毛小慧（鄭裕玲飾演） 典型嘅成功女事業家，美麗聰明

但就自視甚高，感情上一片空白 成日睇唔起余樂天（黃子華飾演）

《皆大歡喜》林玉露（趙學而飾演） 雙面人二嫂，外表善良、溫馴 但內里實質係一個現實、潑辣、尖酸嘅小女人 對冇利用價值嘅人，講嘢完全唔留情面

《皆大歡喜》萬桂菲（車婉婉飾演） 為人勢利，貪慕虛榮 自以為好高尚，愛名牌，死要面 自以為IQ高，睇唔起人，尖酸刻薄 係下屬眼中嘅女巫，人見人怕

《溏心風暴之家好月圓》路嘉美（徐子珊飾演） 表面溫柔敦厚、性格單純 實質性格陰險、攻於心計 做嘅嘢、愛嘅人，行嘅每一步都係經過精心計算 為達目的可以不擇手段，係一個有野心嘅女人

《師奶madam》花蘋（黃翠如飾演） 天生生得丑，從細畀人杯葛 未發生意外之前就已經起咗要整容嘅心 整容後個樣變靚咗 個人都變得更加貪靚，對儀容一絲不苟 將自己扮到成只「花瓶」咁

《四個女仔三個Bar》霍紫凝（ 陳瀅飾演） 天資聰穎、擁有過人記憶力嘅佢 為人自戀及自我中心 自覺高人一等 間唔中係言談間曬曬自己

睇完之後唔知大家對「港女」E個概念仲請勿清晰咧？ 「港女」唔一定就係香港嘅女仔 如果大家身邊有D咁嘅性格嘅女仔 請三思再決定你哋之間嘅關係

轉載請註明來源：今天頭條