真人真事不過有啲長
話說係中學嘅時候，每逢禮拜三都會有通識堂，我哋每人都會有一份報紙做剪報功課，咁啱嗰日我負責派報紙，做剪報嘅內容係老師決定，咁我派完就坐返埋位啦，剪左老師規定果版落尼之後，就好自然甘反轉後面睇2眼啦，睇到內容係一單交通意外，甘就講述一個後生仔，新車落地（機車）開咗唔夠十分鐘撞到貨櫃尾，當場爆頭死亡。 甘睇睇下已經覺得奇怪，因為個死者名好熟悉⋯甘岩有埋死者張相 ，點知原來⋯係我家姐前男友⋯⋯我呆左好耐好耐 ⋯我果刻好忐忑，諗緊同唔同屋企人講 ，但份功課又甘岩係佢單新聞既背面，咁我就諗緊到底「佢」係咪想我話俾我屋企人聽，最後我都係攞多左份報紙，夜晚返去話咗俾我屋企人知。
當大家都以為件事完左既時候，恐怖野先開始發生⋯⋯
之前佢地未分手果陣，送左2條金魚比我地 ，係男人手掌甘大條既，一黑一白，係一公一乸尼 （唔知叫咩品種），甘我地魚缸分別有佢送果2條同另一條我地自己買既龍吐珠，三條一直好地地無病無痛，但當件事發生左之後，首先我哋條龍吐珠無啦啦死左，跟住過咗一兩日，黑色果條死完又到白色嗰條死，咁我媽咪已經話好奇怪， 因為魚系好有靈性，同埋係佢送嘅，所以我哋就將魚缸都掉咗，無再養魚。
跟住冇幾耐，我家姐話發夢嗰個男仔搵佢，佢話好驚，咁我哋都叫佢放鬆自己唔好亂諗，點知隔左無幾耐，有一晚我家姐搭通宵小巴，發生左交通意外，我家姐入咗醫院左手斷左骨，本身佢打算考警察嘅夢都已經冇辦法實現。 跟住我哋就去咗問米，問米婆同我地講，原來嗰個男仔嘅媽咪將我家姐同佢嘅合照燒左比佢⋯
轉載請註明來源：今天頭條