已故樂壇天后梅艷芳的母親覃美金（圖），繼去年申請一筆過提取5,500萬元生活費被拒後，昨再向法庭提出同樣要求，申請在現存7,500萬元信託基金資產中，提取7,100萬元。93歲的她指醫生預計她尚有超過15年壽命，故要求法官批准，讓她可買屋買地，更謂「我使曬，踎街，冇得食都係我嘅事！」

稱怕火燒要買地

今年4月破產令屆滿的梅媽，昨由一班朋友陪同到法庭。她在庭上稱，遺產管理人匯豐信託逐月向她發放生活費，對她不公道，醫療費也不應實報實銷，「我病咗，使曬錢，我自己負責，冇錢就入公立醫院！」

法官指，梅媽現按月可取生活費20萬元，連醫療費用，粗略估計每年花費約400萬元，而匯豐信託會一直將基金投資，相信梅媽有生之年用盡基金資產的機會甚微，認為她毋須擔心。

惟梅媽不以為然，說自己怕火燒，故要「買笪地」，為免再搬屋故要買間屋，她更越講越勞氣，稱「啲錢係我個女嘅，唔係要你哋施捨」、「我要做乜、買乜，我要享受，要去玩，都係我自己嘅事，我到呢個時候，仲要慳咩？」法官最終押後判決。

梅媽多年金句句句金錄：

1)遭官拒加10萬生活費發難梅媽問法官：「可唔可以每個月扣10萬蚊畀我？」法官拒絕：「呢個係法律，並唔係法官鍾意點做都得。」梅媽好唔滿意裁決，離開法庭時仲發脾氣鬧：「3萬蚊生活費做得乜？食得乜？叫我唔好食呀？我依家食豬餿，要去買平菜，買平嘢食。」2)梅媽申取7,100萬遺產梅媽：「我使曬，踎街，冇得食都係我嘅事！」3)梅媽欲3萬6租新屋：冇三間房住唔到蘋果：梅媽搵到新屋未﹖梅媽：搵到，但簽唔到，要滙豐應承同我交租先得。蘋果：係咪租兩萬元租金嘅單位﹖梅媽：兩萬蚊，點住﹖點擺嘢﹖冇三間房住唔到。4)梅媽除鞋掟律師：法官早走，如果唔係掉埋佢！法官以信託基金資不抵債為由，宣判不接納梅媽申請，自辯的梅媽在庭上多次拍檯和爆粗。梅媽：：「我點冷靜？勒住個肚咁耐，我90幾歲人得條老命乜都唔驚，同你死過！」梅媽氣得以保溫瓶蓋擲向對方律師，又除鞋擲向律師和書記。梅媽事後指多月未收到生活費，會否怕庭上擲鞋而被控？她說：「我怕乜！法官早走，如果唔係掉埋佢。」

文章來源: https://www.twgreatdaily.com/cat99/node1235585

轉載請註明來源：今天頭條