係最後的邂逅之前, 我同極品已經見過六至七次面, 平時凌晨奪命追魂call, 無限whatsapp大法不在話下。加上第一個po既事情(基礎忍耐值設定:30%)
直到某一日有位朋友係西貢搞船P ,大家身邊好友都會出席, 而因為到呢個時候我其實已經好清楚極品冇朋友同時亦只擁有一個虛構既生活。
所以帶咗佢去我朋友嘅船P識下朋友一齊玩下, 其實船P永遠都唔係最重要, 只係可以約齊曬朋友出黎見面已經心滿意足。
由於極品娘爆既時尚品味接近無下限,甚至連地底都搵唔到, 所以我就被要求幫娘娘由頭set到落腳指尾, 結果去個船P搞到好似盛裝出席去蒲咁。
首先我陪佢去深水埗買一百五十蚊幾個髮片, 來來去去佢都係選擇困難一直問夾一個好啲定係兩個好啲呀? 夾高好啲定低啲? 落水夾曲定夾直好? 然後無限延伸問題為之基本項目, 磨左一粒鐘先買完走得, 進階項目到幫佢揀埋泳衣揀cover-up揀鞋揀防水化妝品揀墊揀乳 .貼
每一個項目問均哂清楚了解, 咁話曬極品都係十轉公主娘娘, 需要既經驗值比一般人多係非常合情合理既。
極度麻煩都唔緊要, 咁其實呢個都係佢性格之一, 每個人身邊性格都唔同, 性格係無得迫人改變, 一向都係互相遷就。(基礎忍耐值設定:35%)
但當日去完個船P就真係忍屎忍尿忍者亂太郎都忍唔到了。極品當日為咗以最佳狀態示人, 聲稱拒絕進食五日減肥扣喉, 去到船P極品又唔可以食野但係又話想食嘢, 咁已經比佢玩死左半條命, 好難捉摸啊。
呢啲都仲未係重點金牌項目, 重點係佢當日係著一對3吋既鞋, 咁有常識既都知, 船係會搖泥搖去。所以我隻手就長期比極品撓住, 咁呢D碎料黎姐, 之但係隻船一搖佢隻手就叉左落我件bikini度移咗位, 好彩我快手禁住左唔係我乳.頭不保, 當一個人係一個公眾場合度露械露.乳露西比人睇到曬, 其實同上左雜誌無分別, 差在本雜誌多唔多人睇咁解既姐。 咁我就好重語氣話比極品聽叫佢 "睇住啦, 我差d比全部人睇到喇" 。 一如所料 , 我得番黎既係一句sorry都冇再額外加一個黑臉樣
(呢個送既唔洗多謝) , 咁我唔知佢係真黑定本身黑啦 , 總之極品當時比我既感覺就係咁。(基礎忍耐值設定:50%)
咁我都忍埋去大家一齊玩開開心心到落完水上番船, 第二次落水既時候佢話遲d先落, 咁我同個fd就落去左玩先, 玩緊既時候我地大家各自都叫佢落黎玩叫左好幾次, 佢仍然唔落, 直到玩埋wake board翻上去見到佢黑哂面。 咁我都主動話頭先叫你落又唔落, 睇番fb先見到佢自己拍左段video係度喊喊話想落多次水。我心諗冇講出泥, 唔係下話, 唔通我地落左水仲要我地上翻去請埋小姐你落去？對白眼已經反穿左架船底, 唔洗游水返碼頭已經係萬幸。(基礎忍耐值設定:60%)
我主動講完佢冇應我, 咁我條巨龍火已經上到食道就噴得, 我平時幾就你都好, 呢d唔係老馮既。
我唔係義務對你好, 你唔識待人處世咁係你既事。但我好清楚佢份人嘅性格, 佢可能會覺得自己有10%嘅錯, 如果我話佢有50%嘅錯, 呢個階段極品會覺得係誣捏係砌生豬肉, 同如果我當面人前開佢波, 佢都無臉啦, 何況我班fd你又冇個熟, 比面你當你朋友是常識吧。
朋友黑面嘈交有時呢d野過左啖氣就冇事, 同熟既朋友發洩完就下左氣就算嫁啦。跟住過左一排佢唔知係咩工場食左D加工食品令到隻耳有幻聽, 話我周圍同人講我唔鐘意佢, 我的確係唔鐘意你d行為, 但同得你做朋友我唔會搞呢搞路。 講你我就一定有講, 有女人既地方就有女人既八婆話題, 你話題有提及你朋友, 唔等於係講壞話唔當你係朋友。 拎極品做例子, 喺我面前講其他女仔嘅床上是非因咩落仔邊個做雞係公廁既時候(講邊個我廢事開哂名) 極品佢都仲係當人朋友架, 咁講好公道呀 :) 。
船P過後就係噴火龍燒炸藥既日子, 果次船P挑戰完自己忍耐值之後, 我入左第二個船P group, 加上果日加工食品既影響之後極品同我既對話更加再昇華到另一個層次, 對話內容參考花生附件。
對外既極品完全唔講粗口, 對內冇品到極點, 屌人皆乃常事, 但屌人也須有point 。
聽完人講, 完全冇分析就開波屌我, 我唔係唔鍾意極品, 只係唔中意極品d行為, 以我所知所有野佢聽翻黎既都係以訛傳訛並唔係本人直接口述,
用緊咩食材, 加左幾多調味精甚至連食譜我都唔知。
事後我亦已經唔想再同啲小學雞解釋同理論, 所以我就無再理, 之後其實都唔打算去船P, 咁我都跟隊已讀不回同未過數, 重點佢自己都未比訂。但極品就開始進行小學雞單單打打模式以為暗串人好叻叻, 第一次都懶得理 過一排又第二次真係冇理由再繼續忍無限挑戰我底線同忍耐力。 小學雞單單打打既技巧係快打快出, 又或者係烏蠅同唐三藏咁, 總之要做到彈出彈入呀打我呀笨咁既概念。 到最後我已經忍唔到手爆左所以就默默做咗呢粒花生出嚟祝佢生日快樂。(基礎忍耐值設定:9999%)
而點解我要噴火燒人反擊呢? 因為當我忍完一次又一次, 爆完我樽而無辦法再同極品理性溝通唔到。 第二樣就係我唔再理佢唔係我要扮死狗而係唔想同d無理無知既人嗌交, 之前極品又再做埋d小學雞野一次唔緊要兩次我真係冇理由再忍落去, 我亦都無話邊一個岩哂邊個錯哂, 我淨係知道我已經仁至義盡, 忍完你再踩多我一腳就唔好怪我反轉豬肚。
你可能好似霹靂彈咁識高速彈出彈入, 但係我都係一條係少林寺練過摺櫈既噴火龍。
更多精彩花生今晚後上
----------------------------------------------------------------------------------------------------------------------------
下面有極品對話內容
轉載請註明來源：今天頭條