《城寨英雄》力谷爭電視一姐！刁蘭：我並唔係浪得虛名！

胡定欣為求喜感，盡地一煲之餘仲不擇手段，視後呢家嘢，真係唔係浪得虛名。

藝人胡定欣（Nancy）在無綫熱播劇集《城寨英雄》中飾演身懷絕技的刁蘭一角，既睇得又打得，更令觀眾笑中有淚！劇中有如「花癡」上身的她不時「發姣扭 Pat」，她直認為求喜感，不惜盡地一煲兼不擇手段，更指連自己都想「中」自己：「將自己最好色嘅一面發放出嚟，將呢樣嘢去到終極！（平時都咁好色？成日睇仔？）點解唔睇得？有好嘢睇就睇架啦！話曬我都係靚女，人哋睇我梗係睇番人！」

胡定欣話見到「刁蘭」，自己都想中呢個角色一下。

胡蓓蔚變Die Hard粉絲

問到「胡說八道會」一班好姊妹捧場時，是否同樣想「痛毆」她，她笑謂：「咁又冇！佢哋睇得好開心，話笑到卡卡聲，尤其係豹嫂（胡蓓蔚），佢做咗我Die Hard Fans，仲熱衷過我！」問是否想憑角色再登視後寶座，她即指交由觀眾決定。

喺劇中，定欣成日發姣扭Pat。

揀仔揀到頭都大

談 到定欣劇中有陳展鵬飾演的左勾拳（拳佬）、袁偉豪飾演的段迎風（牙佬）和伍允龍飾演的龍成虎（貓仔）三大型男陪伴在側，問到最心儀哪一位？她即時諗到「頭 都大」，並謂：「三個都咁好條件！牙佬就官仔骨骨，好好笑容；貓仔就成個Bodyguard咁，夠曬安全感；拳佬就孩子氣啲，但團火好勁！（揀邊個過人 世？）一般女仔都係鍾意牙佬嘅，啲姨媽姑姐牙冇痛都會去睇牙！」

定欣話其實係將自己最好色嘅一面發放出嚟！

唔會逼婚

問到最近她與音樂人陳明道（Terry）分手， 她即指自己會展望將來：「Mr. Right嚟之前我會照顧得自己好好，要識錫自己先可以好好咁對待愛情。」又強調兩人屬和平分手，同時未因失實報道而動怒：「不過唔好再話我哋啲女仔逼 婚，呢啲逼唔到。（都仲想結婚？）我仲期待緊。」

唔通因為咁，所以刁蘭先咁正？

胡定欣又坦認自己平時會

轉載請註明來源：今天頭條