唔少女主播都鍾意拍片分享扮靚心得，呢頭又show下件化妝品，果頭又搽幾廿層嘢上塊面度，仲要話系自然素顏妝……
算啦，化妝嘅嘢，男人識條鐵咩，但如果有女主播想進軍男性市場，就一定要學下呢個妹妹喇！
個嘴仔紅卜卜又水嫩嫩咁，真系睇見都想錫佢一啖呀～睇真啲，原來佢搽嘅唔系普通唇膏，而系番茄醬嚟架！
呢個妹妹就用咗唔同快餐店嘅番茄醬搽上個嘴仔度，試下邊間嘅番茄醬效果最好。佢俾M記番茄醬嘅評語就系「滋潤，持久性差，上嘴磚紅色」～
跟住唔使講都知，梗系試埋鄭嘉穎「call 我呀」果間啦。佢話K記番茄醬就「易塗勻，可薄塗，上嘴亮橘紅」。
即系，想扮後生女就揀M記好啲，想有女人味就可以用K記～
除咗快餐店嘅番茄醬，佢仲挑戰埋用唔同醬料搽上嘴睇下有咩效果！
首先系士多咩梨果醬，佢就話「光澤感強，上嘴嫩粉」啵～
跟住再試埋藍莓果醬，評語系「易塗勻，上嘴玫紫色」，呢只色深深地，睇嚟唔系咁易carry喎。
嗱嗱嗱，唔系fa，連老乾媽辣醬都試埋？！評語系「上嘴亮橘色，有些發黃」，雖然系幾好睇，不過小心搽完後變咗梁朝偉呀！
轉載請註明來源：今天頭條