「雞，全部都係雞」大家呢幾日畀呢首網絡神曲洗曬腦未？係咪有理無理跟住唱，琅琅上口程度好比之前嘅Side Angle Side！不過唱又唱完，笑又笑完，大家都應該知歌詞來自高登，不過大家又明唔明一開頭點解會有呢句說話呢？

「雞，全部都係雞」其實係一個好侮辱女性嘅說詞，其實都無乜含意好解釋，字面上已經解曬（除非你純真到一直以為講緊鄭嘉穎食嗰啲雞啦。）至於一開頭嘅來源其實係高登一系列「踢爆IG女神做雞」嘅Post。當中由幾位成員，以資料搜集、深入放蛇等方法，將一眾所謂「IG女神」一一揭穿，並貼上多張對話內容，包括肉金、約會地點等等。呢班起底成員其實一開頭已經講到明人各有志，有人選擇出賣肉體其實唔關自己事，只係睇唔到過眼呢班女神仲要喺網上扮清麗脫俗、不落凡塵；因此先希望踢爆佢哋真面目。而網友就開始以「雞，全部都係雞」作為總結。網友仲話幾個特徵可以睇得出IG女神係咪有咁樣搵快錢喎： （戴定頭盔，以下為網友推斷，不代表本人立場。）

超多性感相，但唔Set Private

一到夏天就比堅尼、短裙、熱褲瘋狂出Post，毫不吝嗇大曬身材，網友話呢種女仔如果戶口仲要係公開任人睇，一係瘋狂收兵，一係等買家喎。

成日曬新袋

唔一定手袋啦，總之係名牌貴嘢，好多偵探上身嘅網民心水清到可以直指呢個「女神」屋企格局喺住屋村，但定期又會貼超貴新手袋，咁錢從何來？

一有風聲就潛水

當網上開始傳言呢位「女神」從事不道德交易時，佢會選擇立刻將戶口變Private，然後亦唔會有任何否認，等過一排後又重新Open。

文章來源: https://www.twgreatdaily.com/cat99/node1224620

轉載請註明來源：今天頭條