年 近三十，身邊朋友一個二個車輪轉咁結婚，分分鐘一個月有成三四封炸彈！嗱，我知結婚一生人得一次，新人們永遠都大事鋪張，係fb狂貼Pre- wedding相、每月一個「倒數post」、邀請卡等等，未到big day嗰陣，已經好似結咗成年婚咁。如果係好朋友都算好，對於嗰種「認識以上，好 朋友未滿」嘅普通同事或朋友嚟講，我絕對有block你嘅衝動！其實凡事適可而止，做曬以下4點嘅你，似乎已經走火入魔，回頭吧啦施主！

瘋狂post相

呢種人好有整理能力，相集分求婚篇、pre-wedding篇、姊妹篇、花絮篇、紀錄篇等等，間唔中再post一張加一抽感性文字又「Thank You」又「God bless」咁，明明係上年年尾結婚，post到今年八月都未完。

日日倒數

「12months to go」「6months to go」、「100days to go」、「99days to go」… 當自己FB、IG係鬧鐘？唔好話恭喜啦，唔block你都偷笑。

話題全係你婚禮

婚禮成為你嘅全部，每次出嚟只係聽你講有關婚禮嘅野，場地、影相、未婚夫點呀之類，其他朋友嘅野完全聽唔入耳，或者即刻轉換話題。

諸多事實

有女同事將於幾個月後結婚，話怕曬黑「午餐可唔可以唔好去咁遠？」、怕肥「可唔可以一齊食齋？」、要度蜜月「sorry呀，我嚟緊去歐洲蜜月放半個月假，我見你劃咗假，可唔可以幫幫手遲啲先放？」

轉載請註明來源：今天頭條