正所謂「錢唔係萬能，不過冇錢就好頭痕」，呢日就有位老公好頭痕，佢同老婆因為奉子成婚，但婚後方發現對方非常大使，每個月剩係買名牌都已經用咗逾九萬蚊！老公就覺得好吃力好辛苦，但又唔可以喺對方大肚時鬧離婚… 苦惱不已之際，佢決定上討論區開Post，求四方網民救救佢！而小編就覺得，老婆每個月使九萬對唔少人都係天方夜譚，但呢位樓主都只不過係「好吃力」，佢到底每個月收入有幾多？

呢位樓主有煩惱，所以決定開Post請求網民意見，首先佢話自己同老婆係夜場Clubbing時認識，其後拍拖。因為對方話有打避孕針，於是樓主就放心唔用安全套，點知就出事了！因為四個月後對方就大咗肚，咁就只好結婚，都未算慘… 老婆原來係個大花筒，只係用於個人享樂(如買名牌) 的金錢都已經一個月九萬，仲未計日常生活費！

對此樓主就覺得好吃力好辛苦，但又覺得唔應該在對方大肚時鬧離婚，所以就想網友幫幫手！

香港人，最鍾意就係睇人仆…親，所以唔少網民第一個反應都係，一齊咗四個月就大咗肚？經手人係邊個實在好令人懷疑！

當然都有唔少心水清的網友指出，九萬蚊是多是少，其實都視乎個人經濟能力。對大部分人來說可能係好多，但對某啲人可能只係九牛一毛。如果對小編來說… 不要再說了。

早知今日，何必當初，廣告都話「要有一套」啦！如果唔係當貪圖一時之快，依家的煩惱可能唔會存在…

呢個Post仲有一段小插曲，話說有位網民分享自己老婆都係未婚懷孕的故事，點知講講嚇… 就彈咗某牌子的健康產品出嚟，真係卜你個街，廣告嚟嘅喂！

轉載請註明來源：今天頭條