每個人總會有一道屬於自己嘅氣場，演員也唔例外。

雖然話一個好嘅演員需要凌駕唔同嘅角色，但無可否認，某啲演員，演某啲角色系特別「啱」嘅。

呢個無關演技好壞，系關乎個人氣場。

舉個例子，陳豪演一啲專業人士如《潮流教主》嘅總編同埋《完美叛侶》嘅律師總系感覺有啲唔相符。

唔系話佢唔好，而系呢啲角色無法突出佢嘅個人特色，導致表現只系中庸，未能令觀眾留下深刻印象。

可能陳豪最適合演嘅系「得得地」呢類有啲傻氣嘅角色，而唔系正正經經黑曬臉。

呢種情況亦可以套用喺胡定欣身上，喺《一屋老友記》中，胡定欣理應系第一女主角，但風頭就無滕麗名咁勁。

原因同陳豪嘅情況有啲相似，《一屋老友記》中嘅胡定欣唔系好多觀眾最鍾意睇嘅胡定欣。

胡定欣嘅眼眉比其他女演員粗，輪廓亦系偏剛，因此佢喺演一啲比較強勢嘅角色會有先天優勢。

佢喺《公公出宮》飾演一手能撐半邊天嘅金香就好有說服力。

相反，如果睇佢演一個弱不禁風嘅女子，就會覺得：「喂，你無嘢下嘛，你系弱質纖纖？」

胡定欣曾經喺《今晚睇李》中疑似爆粗，佢不屑嘅表情令唔少人都津津樂道。

大家不但無覺得反感，反而大讚好似胡定欣呢啲女漢子，先至系最正嘅。

由此可見，其實好多觀眾系好鍾意睇咁樣嘅胡定欣。

喺《鬼同你OT》中，胡定欣飾演一隻牙尖嘴利，講嘢處處不饒人，霸道強勢嘅女鬼。佢演活咗呢只鬼，因為角色嘅設定同佢本人嘅氣場十分夾。

喺新劇《城寨英雄》中，胡定欣飾演潑辣包租婆「刁蘭」，呢個角色對佢嚟講簡直系手到拿來易如反掌。

加上近年觀眾開始對斯文溫柔，正面樂觀嘅女主角——例如蔡思貝，每次都系演一啲極度正面，甚至正面到好膠假嘅角色，已經超級審美疲勞。

反而「巴渣女」更能引起觀眾嘅興趣。因此，「刁蘭」一定系一匹黑馬……

轉載請註明來源：今天頭條