奧 運進行第四日，身邊唔少同事都開始挨更抵夜睇比賽，大家又最鍾意邊個奧運項目呢？講開偉大的祖國，原來中國隊係繼2004年雅典奧運之後， 12年來第一 次係奧運首日無金牌，作為奧運運動員唔單止要日操夜操，心理也要調節得好好，好似首日十米氣步槍的易思玲和杜麗的女子，竟然輸比一個19歲的美國小妹妹特 拉謝爾，小編相信佢練習次數不下於別人，輸就輸在背後沉重的壓力，畢竟人家不用背負失去第一金的「罪名」。

運動員台上一分鐘，台下十年工，有時辛勞過後，努力與回報未必成正比，運動是，讀書是，做人也是，如何調節自己的心理質素最緊要，無論你係運動員、剛剛公布無offer嘅學生，定係比老細捽完嘅打工仔，以下最快樂的四種減壓方法，助你踢走Monday Blue。

旅遊散心

當一個人心理唔平衝，去旅行係最好方法。無論有無旅伴，走入與平時唔同嘅環境，好似大自然、海邊、山頂等，壯觀嘅大自然，登泰山而小天下，將內心苦惱瑣事頓時縮到最小。

運動發洩vs打坐靜思

跑步、打拳可以發洩，Yoga、打坐可將思緒整理好，無論動或靜，運動都能夠比身心放鬆，而且仲可以產生安多芬，快樂嘅賀爾蒙。

搵人發嗡瘋

傾訴係壓力釋放嘅靈丹妙藥，千萬唔好收埋心事係心底，搵個可以比你發嗡瘋嘅人，雖然未必可以解決問題，但傾訴同大笑一場已經足夠。

著重生活細節

日常生活充滿小確幸，泡個熱水涼、飲啖茶、聽音樂，加幾滴薰衣草香薰，等自己放鬆一陣，令自己身心都充一充電，轉頭又係一條好漢。

轉載請註明來源：今天頭條