撻著「發電機」羅仲謙與楊怡本已到談婚論嫁地步，但近日羅卻瞞著楊怡與「發電機」之稱的蔡思貝過電，姊弟戀感情備受考驗。
人妖 蔡思貝姣攻 羅仲謙，楊怡不設防誘羅仲謙
Ads by Goog
30歲羅仲謙向來花弗，近年終於俾楊怡收服，「入贅」將軍澳女方香閨，做隻深閨小綿羊。有傳二人今年 8月更會拉埋天窗，姊弟戀有望開花。
奈何男人天生食色性也。據知羅仲謙去年拍單車劇《衝線》期間，與新一代姣精蔡思貝過電，蔡更主動出手，向羅「抄牌」約食飯，片場又挨身挨勢，激到楊怡親自監場，後來更趕羅仲謙返大埔老家。直至近日羅才過完冷河返回女方家中。
以為雨過天青，可是近日劇集正值宣傳，羅、蔡愛火又重燃。據知每當出席活動時，蔡思貝均會借詞要羅做柴可夫接送。二人的親密行徑又傳到楊怡耳邊。今次楊檯更表示希望不設防搶回佢
港姐出身的蔡思貝，出道僅一年已拍了四劇，更升呢在新劇《衝線》做女一。事業進取，對愛情亦極好勝。憑 23歲青春無敵本錢的蔡思貝，熱情主動，每次與合作男藝員例傳緋聞，無論小生奀星，一一通殺。早前更有傳她因緋聞過多，被舞蹈指導男友麥秋成狠飛，事後她仍否認戀情：「我從來都冇話過同佢拍拖喎！」大耍語言偽術。
台灣啜爆去年尾劇組飛台灣十份拍談情戲，冇王管的羅仲謙，與蔡思貝咀得特別投入。
委屈爆喊日前蔡思貝上阮兆祥主持的商台節目《 1圈圈》，暢談成「緋聞女王」的感想，她突然淚灑直播室否認戀情，狀甚委屈。
當楊怡冇到
作為 watt數十足的「發電廠」，蔡思貝絕非浪得虛名。本刊收到消息，她去年中拍《衝線》時雖然有溫家偉、周志文等觀音兵，但她卻睇中有女友的羅仲謙，戲裏戲外都黐到實。
一劇組人員透露：「 Sisley（蔡思貝）第一日開工就同啲男 partner抄曬牌。拍咗幾日，仲同監製、導演熟曬。記得有場廠景戲， Sisley同阿謙（羅仲謙）喺 office個 pantry細聲講大聲笑，個女嘅仲挨身挨勢。當時開緊工，好多人睇到，但佢都唔理。有個同佢 friend嘅女 PA提醒過佢，話阿謙有女友。不過 Sisley就話一日未婚一日都係單身。佢仲私下約過阿謙幾次食飯撐檯腳㖭！一隻手掌拍唔響，阿謙又冇避忌照去食飯。你咁做人哋咪以為你俾機會佢囉！」
蜜撐檯腳拍《衝線》期間，蔡思貝不下一次約羅仲謙單獨撐檯腳，心野野的羅仲謙不避嫌應約，收到風的楊怡激到紮紮跳。
網上挑機蔡思貝以主動見稱，拍劇期間，不時搵羅仲謙自拍，又放上微博，明剃楊怡眼眉。
踢出家門楊怡得悉男友與蔡思貝偷偷食飯後，即踢他出家門，「分居」冷戰。
冷戰分居
男友心野野，在大台滿布線眼的楊怡，據知不久就從二五口中，得知男友與蔡思貝偷偷約會。為防男友出軌，她更試過入廠監場。該劇組人員續說：「嗰時阿謙開《衝線》，咁啱阿怡（楊怡）拍緊《天眼》，阿怡試過有幾次突擊過隔籬廠監場。有次佢明明冇通告，都特登揸車返去買消夜俾阿謙同劇組食，可能想宣示主權啩！」
據知楊怡事後向羅仲謙攤牌，原本在女方香閨住的羅仲謙，更被女友趕返大埔老家「守行為」。直至新年期間，楊怡對男友的觀察期屆滿，羅才可搬回將軍澳楊怡香閨。
羅仲謙年前遷入楊怡位於將軍澳首都寓所同居，但本刊連日發現只得楊怡單獨出入上址，男友則不見蹤影。
做司機車蔡思貝
其實楊怡和羅仲謙拍拖三年，一直有傳二人計劃今年結婚。可是，當初誠心向女友認錯的羅仲謙，近日趁劇集宣傳期，又故態復萌，單獨與蔡思貝見面，激到楊怡要煞停婚事。「阿謙嗰時俾阿怡昅實，都唔敢再同 Sisley聯絡。但最近套劇宣傳，佢同 Sisley又玩番埋一齊。阿謙本來喺大陸拍緊戲，都特登請假返嚟宣傳。因為同 Sisley喺套劇係情侶，所以成日被安排一齊做訪問。 Sisley大條道理叫阿謙車埋佢，仲有藉口喺活動前約阿謙食完飯先開工㖭。呢次真係激到阿怡好嬲！兩個禮拜前阿怡同阿謙吵大鑊，話既然佢個心都未定，不如唔好結婚！」
據知楊怡今次不是發晦氣咁簡單，早前她更通知姊妹團取消婚約。日前本刊在二人的愛巢守候，連日未見二人出外「拍拖」，就連羅的蹤影亦不見，似乎已遷出楊家。
楊怡與羅仲謙婚事危危乎，至於介入二人之間的蔡思貝，日前卻在電台哭訴：「點解男女唔可以做朋友啫？拍劇三個月，大家相處三個月，唔會冇關係㗎嘛，唔會淨係同事。始終日對夜對，一定有感情基礎。大家年輕人，又一齊去台灣拍劇，做好朋友有幾難喎！」蔡思貝談緋聞講到大條道理，不過你想同人做好朋友，有冇問准人哋個女朋友先？
女友生日完婚羅仲謙與楊怡三年前拍劇撻著，有傳二人已準備今年 8月 30日女友生日當天完婚，據知二人早前已著手籌備婚事，現在卻要煞停。
頻頻監場楊怡得悉羅仲謙作反後，在男友拍《衝線》期間，頻頻探班監場。早前她與陳展鵬在中環拍外景時，撞正蔡思貝、羅仲謙和沈震軒在隔籬街拍單車劇。據知楊怡當時即走過去打招呼，乘機宣示主權。
文章來源: https://www.twgreatdaily.com/cat99/node1208723
轉載請註明來源：今天頭條