父親陰影成就「鑫鑫」 林穎彤幼時曾行乞九個月

今個星期起播出的無綫新劇《城寨英雄》大受好評，硬橋硬馬真功夫打得夠刺激，視覺效果一流！而且仲有一班比主角們更搶鏡的配角，例如第一集中，當然仲有飾演學生妹鑫鑫的林穎彤(Bella)！Bella在劇中的造型清純可愛，在云云角色中好突出，可惜際遇淒慘，每集出場都係被欺負、被調戲、被老豆賣豬仔又險被強 姦… 不要再說了。角色咁立體，Bella就坦承可能係由於童年時有一段坎坷歲月，先令佢將呢個角色發揮得淋漓盡致！

Bella在劇中飾演的學生妹鑫鑫造型討好，一雙甚有少女味道的鬢辮加修身唐裝，仲有佢本身的可愛大眼及包包面，輕易令人留下深刻印象！可惜鑫鑫有個欠下一身債的爛賭爸爸(魏惠文飾)，所以上學之餘亦要到刁蘭(胡定欣飾) 的理髮舖打工。

之後鑫鑫被惡霸夏滿(李嘉飾) 睇中，先係去到理髮舖指名要佢服侍，不斷狂被抽水都係等閒事。其後鑫鑫幾乎每一集出場都係無限地欺凌，慘無人道！

及後劇情發展到鑫鑫及其爛賭爸爸被夏滿捉走，夏滿知道對方還唔到錢，仲想買走鑫鑫償債！見到Bella俾人捉實包包面，真係想打爆部電視機！

最人神共憤的是，個衰老豆知道賣女可以抵銷債務，竟然二話不說就將親生女兒拱手相讓，冇人性！見到鑫鑫楚楚可憐、傷心欲絕咁話︰「我係你個女嚟㗎！」真係睇到觀眾咬牙切齒！鑫鑫每集都係被被欺凌被辱侍，最後亦難逃魔掌，會在第七集慘被輪姦至死！觀眾得悉後都好唔捨得！

Bella得知自己的演出被觀眾熱烈討論，都感到非常高興，佢表示當初接到呢個角色時都好大感觸，因為同自己身世有啲相似。其實Bella來自單親家庭，當佢只有一歲時，佢爸爸就因為婚外情離開佢哋母女。不單冇錢交租、冇地方住，就連奶粉錢都成問題。走投無路下，林媽媽唯有抱住仲係BB的Bella到葵芳地鐵站對出的天橋行乞。行乞的日子維持了九個月，直至後來成功申請綜援為止。

Bella仲有一個家姐，當年佢媽媽就係用每月幾千蚊綜援養大兩個女兒，Bella細細個已經好生性，知道屋企環境唔好，見到其他小朋友著靚衫、玩GameBoy都從來唔會扭計話要買，真係好乖

呢段往事係2003年時《萬家燈火》熱播、Bella同林媽媽接受訪問時透露的，佢唔介意別人知道自己的過去，因為屋企雖然窮，但唔係壞事！佢更希望自己的故事可以勉勵面對逆境的人們，令人明白生活幾艱難都唔好放棄。

1992年出世的Bella今年23歲，一雙大眼睛及包包面都是其標記，有網民封佢為「大面Bella」。11歲就成為童星，拍過廣告同《萬家燈火》等劇集，另外又參加雜誌《Yes!》的校花校草選舉，獲得甜美校花獎及才藝大獎。2009年時參加TVB跟商業電台合辦的節目比賽《十人巷》，贏出比賽後成為TVB旗下藝人。不過入行後演出機會唔算多，亦未有令人留下印象的代表作。

等足多年，Bella終於憑「鑫鑫」呢個角色獲觀眾賞識，希望佢繼續努力，將來有更多機會發揮演技，帶給觀眾更多精采演出！

最後為大家送上Bella靚靚相集！

轉載請註明來源：今天頭條