踏入農曆七月鬼門關大開，《新地網》繼續為你送上明星鬼故事！其實TVB電視城長年不見天日，尤其以密封的錄影廠陰氣最重，無論係以前的清水灣定依家的將軍澳電視城都一樣咁猛！昨日就分享完林峯出事的男休息室，今日就到鄭伊健出場！雖然「浩南哥」剛陽味夠曬重，但一樣見過「老友記」，有一次仲爭啲冇命！

夜戰驚魂

鄭伊健一向都大唔透，有次佢趁放假相約一班幕後人員，於黃昏時分到電視城打War Game。當時八個大男孩在民初街上拎住武器你追我逐，玩了個多小時後戰事結束。眾人打算分車離開時，領隊鄭伊健數人頭離開，數來數去都是九個人，當時有人以為他玩嘢嚇鬼，但他卻一臉認真。其中一人代伊健再數一次，結果同樣是九個人，眾人不敢再考究，極速走人。

女鬼索命

除了打War Game出事，伊健亦試過在錄影廠內遇上怪事！當時佢正等埋位，期間瞓在地氈上休息，突然有盞燈由高處跌下，正正跌喺佢身邊！伊健事後說︰「發生意外後，有位有陰陽眼同事話之前見有個穿小鳳仙裝女人坐於燈槽上，盞燈無整傷我，可能佢同我玩啦，不過我以後入廠都唔敢唔拜神！」

轉載請註明來源：今天頭條