電影《寒戰2》除咗票房好之餘，仲帶旺埋一班演員。當中台灣男神彭于晏更深受女性歡迎，唔系講笑，呢個陽光大男孩，笑起上嚟真系冧到唔少女。不過其實台灣仲有幾位男神嘅，大家又啱唔啱心水。

彭于晏

其實彭于晏喺台灣都系拍電視劇起家，已經有唔少fans，加上為咗拍電影，投入角色，將自己操成筋肉人，喺《翻滾吧！阿信》、《激戰》同《破風》嘅身形，同運動員差唔多，相當賣力。佢拍文戲又越來越有男人味，通殺各年齡層嘅女士亦唔出奇。

張孝全

第二個當然要提張孝全，早前佢果張喺香港搭地鐵嘅相一出，搞到好多港女都話想去地鐵站碰下運氣，睇下有冇機會撞到佢。可想而知，張孝全嘅魅力有幾大。同埋佢喺電影《被偷走的那五年》嘅演出，令一班女性好感動，加十分。

陳柏霖

陳柏霖一個識講廣東話嘅台灣人，因為年輕時生得似金城武，所以被發掘出道。相信大家都好想好似宋智孝咁，可以同陳柏霖咁甜蜜拍拖，雖然系拍緊嘢，不過都要代入吖嘛！最重要佢另一個身份叫大仁哥，暖男嘅代表，足夠令佢成為男神。

阮經天

男神代表仲有阮經天，佢同以上三個唔同，特別系對眼，佢系眼細得嚟有神嘅感覺。模特兒出身嘅佢，身高有184cm，呢點已經可以榜上有名，喺《命中注定我愛你》中，扮演一個一時風趣一時貼心嘅男人，風靡少女，有療越系男神之稱。

轉載請註明來源：今天頭條