相信唔少人其實都知道《富士山下》其實系講男方同苦戀自己嘅女方講人生哲理嘅一首作品。

但事實上《富士山下》系一首充滿畫面嘅敘事歌曲，敘嘅其實系兩個主角喺情人節雨中重遇。

詞人林夕就將整件事寫得又浪漫又詩意，將果種人生哲理講得何其動聽，充滿佛性。

但其實如果將《富士山下》變成口語或現實情節嘅話，男主角其實系一個幾涼薄嘅賤男，即系類似咁：

喂，落緊雨喎，你仲喊緊

咁我都唔系咁衰，我都仲關心你嘅

今日唔車你返屋企都唔得啦

我都想你好嘅，所以我唔再送花囉

我都唔鍾意你，唔通送到鋪滿墳場先叫好咩

你都系死咗心去啦，要嫁俾我？

等到大家死果日都冇可能發生喎大佬！

唔通咁你先滿意？

其實人一世好多嘢都唔系想有就有架啦

你抱住個男人都唔代表佢個心屬於你架

擁有過就一定會有失去嘅一日啦

我哋都叫做響日本雪中漫步過啦

咁浪漫，點解你要講到好似好慘啫？好回憶嚟架喎！

又有邊個人可以用愛嚟擁有成個富士山咁巴閉？

點解你唔諗下其實人嘅感情只系你自己虛構出嚟？

本來無一物又何處惹塵埃呢？

其實呢啲過氣嘅感情，就當系石頭，響街度隨便掉咗佢算啦

你仲諗咁多仲乜啫，傻女

我只系森林入邊一棵樹

你行下街，開心下，你就會唔記得我架啦

今日系情人節，我都唔敢講咁多

你喊到咁，我摸下你發尾安慰你又驚你觸景傷情，好難做喎

而家我哋焗住響車上面，我真系唔知點算

仲睇到你學人玩

轉載請註明來源：今天頭條