坤 哥吳業坤演唱會密鑼緊鼓籌備緊，關於坤哥演唱會嘅歌單，大家笑完一輪之後好似無乜再點關注，反而不斷有其他花邊新聞流出，而且仲要一次比一次好笑，恥笑程 度以幾何級而上，收負評收到手仔軟呀陰公。最新消息係傳出坤哥演唱會急招女義工幫手，而且表明「找女仔呀」，最最最令人不解係「演出後自行離去」，寫明有 自行購買門票先可以埋位繼續聽。嘩，難怪網民一湧而出，有人話試過幫韓星做義工，做完都可以留低睇埋騷，坤哥咁即係大牌過韓星喎！姑勿論真假，但係憑過往 表現，網民都已經深信不疑。其實從扮棋浮沉多年，至度被捧上天橫掃頒獎禮，再去到近排被人不斷抨擊，坤哥真係「來回地獄又折返人間」嘅最佳人辦。究竟佢得 罪咗網民啲咩，一齊睇睇網民力數佢嘅幾宗罪啦。

輕佻驕傲

坤哥喺宣布開演唱會之後，被人質疑夠唔夠歌，不過佢一於少擔心，仲講笑咁講話「一日就賣得曬」，可能佢會覺得係當講笑，但係對於眼紅或者唔係咁熟悉佢嘅網民而言，就會覺得佢囂張。

用公帑錢

坤哥今次演唱會主辦機構原來係政府，屬於「夏日流行音樂會」其中一個節目之一，另外嘅例如「向雪懷一生中愛作品演唱會」，網民就紛紛話即係舉辦畀大陸人睇，而且仲係用公帑去搞，失曬民心。

質疑實力

比較理性嘅網民最大嘅質疑就係坤哥其實得10首歌唔夠，唔明佢開演唱會時可以唱咩歌，覺得有「呃錢」之嫌，加上紅館檔期出名難Book，以坤哥嘅地位無理由可以排喺一眾前輩歌手之前，更令人心生不忿。

偽毒形象

自坤哥紅咗之後，開始被人質疑佢表面上怕醜仔形象係做出嚟，加上不停有佢四圍追女仔嘅新聞，形象非常不討好，認為佢係戴住假面具做人。而且唔少廣告都繼續以佢毒男形象去賣，更被人笑指違反商品說明條例。

轉載請註明來源：今天頭條