【on.cc東網專訊】 Pokémon日夜鍛鍊去取勝！Pokémon GO席捲全港，人人都化身成精靈訓練員，低頭望電話係咁捉，不過喺街掛住玩又好似危險咗啲喎！

咁點先可以玩得最安全，仲有機會收服化石飛龍、啟暴龍等罕有小精靈？

要玩得安全，又收服到罕有小精靈，商場絕對係好選擇！

有商場由即日起，每日指定時間內，都會喺商場內使用小精靈誘餌Lure Module，吸引小精靈現身。

另外，喺商場消費滿指定金額，仲可以乘坐專車四處遊走，將沿途出現嘅精靈一網打盡。

唔少市民都喺商場內埋首捉精靈。

有咩好得過留喺室內地方，就可以輕輕鬆鬆收服各種精靈？

新鴻基地產旗下將軍澳東港城由即日起，喺每日中午12點至下晝2點，及傍晚6點至8點期間，都會免費喺場內PokéStop「撒櫻花」，場內櫻花處處，方便大家捉精靈；

商場入面亦都有免費WiFi同外置充電器借用，咁就唔使驚捉到無電無數據啦！

另外，如果商場入面出現咗罕見精靈，有關消息仲會即時喺Facebook發放，真係夠曬貼心。

究竟喺商場內有機會捉到咩小精靈呢？有學生就聽聞商場入面有罕見嘅化石飛龍，專程嚟捉，仲意外收穫咗隻車厘龜添！

張女士就帶埋2個小朋友，喺商場入面捉精靈，佢認為商場定時落櫻花係好安排，而且小朋友喺商場玩，比喺街安全得多，「唔使驚有車，又玩得舒服啲。」

場內有各種小精靈出沒，睇下大家捉唔捉得曬！

張女士認為小朋友喺商場玩，比喺街安全得多。

想收集罕有精靈？咁就要把握住商場「撒櫻花」嘅時機喇！

至於由內地來港讀書嘅Chen，亦都喺商場入面成功捕捉咗小火馬。

他稱，今次係首次前來東港城，認為定時落櫻花呢個安排好吸引，因為喺商場捉可以涼住冷氣，唔使捉到身水身汗，「現在天氣比較熱，還是在商場玩較舒服。」

每日指定時段，將軍澳東港城內2個PokéStop都會使用Lure Module，令場內櫻花處處。

除咗留喺商場舒舒服服咁捉精靈外，有冇諗過可以再霸氣啲，坐專車行到邊捉到邊？

只要喺上述日子期間，於商場內消費滿港幣$2,000，就可享3個鐘「坐轎車捉精靈」服務，乘坐商場提供嘅專車，遊走附近捉小精靈。

轎車服務每日名額一個，需於1日前到顧客服務中心預約，先到先得，大家千祈唔好錯過。

2位同學聽聞商場入面有罕見嘅化石飛龍，專程到場捕捉。

另外，商場亦都會提供消費送iTunes或Google Play卡，及「捉精靈換禮券」優惠，詳情可參閱商場Facebook專頁。

而喺同一時段期間，新鴻基地產旗下另外4個商場，包括wtc more世貿中心、上水廣場、Mikiki及將軍澳中心，亦都會定時使用Lure Module，及提供相同優惠，

大家去開嗰區千祈咪錯過。

商場入面有外置充電器借用，咁就唔使驚捉到部電話無曬電。

商場仲提供「坐轎車捉精靈」服務，可以乘坐專車周圍捉精靈。

仲有消費送iTunes或Google Play卡，及「捉精靈換禮券」優惠，大家千祈咪錯過。

轉載請註明來源：今天頭條