曾經講過話會幫樊少皇擋任何事嘅JJ，睇怕有啲嘢都幾難擋啦，事關樊少皇爭人200萬，仲搞到俾人上門追債呀! 最近有人托財務公司向樊少皇追數，我哋就收到一張樊少皇向朋友借錢時，提供嘅身份證明文件副本，上面仲有埋手指模。

據知樊少皇喺上年問一名男性朋友借下巨款，並簽下欠單，更在自己身分證明文上打下指模確認。由於樊少皇過咗期限都未還錢，於是嗰位朋友就搵人向樊少皇追數，不過樊少皇一直都唔敢聽電話，而收數佬更一度去JJ嘅將軍澳寓所搵樊少皇。

一直蒙在鼓裡嘅JJ，喺結婚前都唔知老公竟然喺出面爭人二百萬。當樊少皇同JJ講出呢件事嘅時候，JJ直情係晴天霹靂。我哋就呢件事向JJ查詢，當佢聽到老公爭人錢嘅時候，JJ表現得相當激動話︰「哇! 點會呀! 梗係唔係啦! 唔單係有人爭錢，而係有人爭佢錢呀!」

愛夫心切嘅JJ，對於老公樊少皇被人追數一事，一直都強調樊少皇先係受害者。 據知JJ都係婚後先知樊少皇原來問人借咗二百萬。

上年十一月，樊少皇同JJ被爆秘密結婚，去到今年元旦JJ正式成為樊太。未幾，樊少皇就同JJ講出自己爭人錢，聽到消息之後，JJ當場喊爆。雖然樊少皇不斷解釋話係幫兄弟，但估唔到對方竟然反轉豬肚就係屎。樊少皇仲向JJ 講明自己根本冇借過任何人錢，最後JJ亦都相信樊少皇先係受害者。

轉載請註明來源：今天頭條