現年45歲的DJ小儀，雖然已屆中女之齡，但感情一路冇著落，好多粉絲都為佢憂心，但其實佢係好受男星歡迎.

佢嘅社交網有多張與眾男星的抱抱照、扮咀嘴照，當中更有台灣男神彭于晏和韓國男神玄彬，由於數量真係太多，小編只好精選十多張畀大家睇，而喺眾多集郵中，以黃宗澤嘅捕獲次數最多嘅，其他包括：陳奕迅、梁家輝、吳鎮宇、周潤發、譚詠麟、吳彥祖、方力申，仲有今次傳緋聞的余文樂，咁當然唔少得多年拍檔森美啦！

網民力撐小儀係好老婆

其實小儀一啲都睇唔出45歲，留住小丸子頭嘅佢，表情可愛，曾被網民封為「凍齡女神」，今次驚傳同餘文樂相戀，雖然實屬流料，但網民好多留言都係力撐小儀嘅，有網民喺《東網巨星》fb留言：「搵老婆就搵小儀好」、「識揀一定揀小儀！！！」、「其實小儀好好，起碼唔係港女。」

其後小儀都有喺個人fb度轉載《東網巨星》fb的新聞，當佢見到自己攬過的男神大集合後，就笑言：「嘩，睇番啲相，我咁攬法，係過份（分）咗！對唔住咁多位，我以後唔會㗎嘞⋯⋯（不過，有啲係佢哋攬我㗎喂）」

轉載請註明來源：今天頭條