Mary一向都嚴厲監控住阿強塊面，每日洗面、每星期磨沙敷面膜。

Mary話阿強都要學ChiLam咁，老咗都咁青靚白凈。

阿強話：「靚女，張智霖有不老症架！點可以比啊？」

「你努力Keep都可以架，我對你有信心！」

就系咁，Mary就開始對阿強進行一連串「張智霖育成計劃」…

有時瞓瞓下晏覺，Mary會痴線到起身幫阿強敷塊面膜…

阿強發夢塊麵皮畀殺人狂撕落嚟嚇醒，一擘大眼原來系Mary幫佢撕走塊面膜。

Mary又會趁阿強瞓著咗幫阿強掹眉，阿強以為畀蛇咬又嚇醒…

「你想掹眉可唔可以等我醒咗先，嚇鬼死人咩…」

「我唔眼瞓啊，又無嘢做喎。」

「你無嘢做都唔一定要整我塊面嘛。」

「我都系想你變張智霖啫。」

可能畀人嘈醒心情差，阿強講咗一句後悔一生嘅說話…

「你咁得閒啊～不如你落街跑步減肥仲好啦！哈哈哈哈！」

Mary一句說話都無講，只系「哈哈」咁輕笑咗幾聲，全日都好似無事發生過咁玩電腦、食飯、睇劇…

但估唔到，喺Mary心入面，已經埋下咗一顆仇恨種子。

隔咗一個禮拜，Mary又如常嚟阿強屋企，阿強亦如常瞓晏覺，阿強發咗一個變成女人嘅怪夢，佢扎醒咗。望見Mary拎住支筆喺佢面上畫嚇畫嚇…

「你做乜啊？」

「幫你化妝～」

「幫我化妝？點解要咁做呢？」

「你唔肯護膚嘛，我唯有用化妝品遮住你臉上面嘅瑕疵囉！」

從Mary嘅語氣聽得出，佢絕對系想報仇！

阿強急步行入廁所，望住鏡入面成個馬騮屎忽嘅自己，連佢自己都忍唔住恥笑咗一聲。

「請問呢個系咩妝？」

「韓星妝～」

「男定女…」

「女～我女仔嚟嘛，學化男韓星做乜啫～」

「你好嘢！肥到成個波咁，肥妹！肥妹！肥妹！」

阿強一邊大叫，一邊洗乾淨塊面，但阿強發現無論佢幾大力去擦塊面，化妝都完全無甩到…

「無用嫁！我啲化妝品全部都系防水架！哈哈哈哈！」Mary指住阿強大笑，手上搖晃住支落妝油。

既然Mary玩到咁盡，咁無辦法喇！

「對唔住啊女皇大人！頭先系我語氣重咗少少！求你賜予我落妝油！等我可以卸下呢個馬騮屎忽！」

「知錯喇咩？仲敢唔敢話我肥？」

「我覺得你呢個身型襯返個臉型真系無敵！」

結果，阿強做足奴隸獸一日先成功卸下個化妝。

哎敷嚇面膜勤啲護膚咪好囉，何必搞成如斯田地呢～

所以話女人真系唔可以得罪，尤其系女朋友！

文章來源: https://www.twgreatdaily.com/cat99/node1199474

轉載請註明來源：今天頭條