Pokevision 被官方封殺 - 日本版Pokevision教學

做得訓練員玩Pokemon落街周圍行，最大嘅敵人唔係熱到死、行到攰。我地最大敵人係波音蝠啊！！！！！！！！你部手機終於震你提示你有精靈出現，媽！又喺波音蝠啊！

▲睇到上面張圖就知波音蝠真喺多到你唔信，相信大家都忍夠佢，今日就教大家點睇清楚身邊出現嘅精靈，唔好曬時間去捉波音蝠，去直接搵特別嘅精靈！

▲日本有個叫 P-GO SEARCH 嘅APP，可以定位玩家嘅位置，再搜尋出身邊出現嘅小精靈，仲有埋同玩家距離同步行時間，方便曬大家去揀想要嘅去捉！

使用方法：

iOS/Android版使用Chrome/Safari開啟網頁：

https://pmap.kuku.lu/

update: 已出 iOS / Android App

▲例如使用IOS，於Chrome開啟網站之後，第一步按右上GPS定位，等定好位後再按左上搜索。

▲之後身邊3～4km內嘅精靈就會顯示出嚟，就好似上圖咁，我想捉伊貝當點撃伊貝圖示後，佢會顯示距離99米，仲有11分鐘就消失。咁大家就可以行去搵自己想要嘅精靈！

其實性質相近嘅都仲有PokeVision，佢地兩者之間就各有好處。

好似PokeVision為例：佢就揀地圖上任何一點顯示該區實時出現嘅精靈，亦可以自己選擇邊種精靈顯示/不顯示。

P-GO SEARCH：就方便玩家定位自己位置，身邊周圍有啲咩精靈，仲有得睇同自己相距幾多距離同步行時間，再比較一下消防時間，就可以知道趕唔趕得切去捉。

其實兩者之間都非常方便，大家都不妨收藏曬2個以備其中一個維修！最緊要呢2個都係比較安全，唔洗擔心喺詐騙程式！

轉載請註明來源：今天頭條