【Pokemon Go】原地孵蛋失效、精靈腳印消失！？0.31.0版本更新搶先睇！

今日（７月３１日），《Pokemon Go》進行一次更新，作出多種大小改動，星期日出去捉小精靈之前絕對要熟讀！

修正地圖問題

不會再有地圖移位問題（意味住原定孵蛋秘技被廢了？）

新增警告訊息

入Game時會出現警告字眼，提示玩家不可擅自進入私人場所

小精靈腳印

畫面右下雷達裡面，小精靈腳印不會永遠只顯示三個（目前是不顯示腳印．．．）

角色裝扮

玩家可以隨時變更主角的服裝及髮色等項目

獎牌外觀追加

獎牌將擁有各自外觀，不再全部一樣

賣精靈位置修正

「FAVORITE」及「TEANSFER」選項現改為在小精靈資料頁面「右下」的選單內顯示

部份技能威力修正

附文【Pokemon Go攻略】新舊《Pokemon GO》秘技合集

MTG 記者 Shing 報導 -

2016-07-29 16:21:51

今日就同大家重溫一下舊有嘅《Pokemon GO》秘技，再加少少新技巧。睇下大家知道哂未？

1. 唔洗行孵蛋大法

有日本網友就研究咗一個方法可以喺屋企，就可以不停自動行孵蛋。聽落喺咪好勁，但其實你睇完段片，

就會覺得好白痴嘅做法，方法喺首先熄咗WI-FI，利用岩岩接收GPS信號嘅模糊性，遊戲角色會向前行一步，之後開GAME不停通過螢幕解鎖接收GPS行一步，不停重覆步驟直到行到孵蛋！

2. 配合《Ingress》捉寵

係美國第一位捉到142種精靈嘅玩家，叫捉齊目前能夠有嘅精靈，都透露佢係配合《Ingress》去捉寵，《Ingress》到底有咩咁巴閉？其他之前都同大家介紹過「罕有精靈嘅提示 原來收埋喺Ingress入面！？」，某個角度下《Ingress》其實係《Pokemon GO》嘅藍本，《Pokemon GO》入面嘅實境定位非常近似返《Ingress》，透過參考《Ingress》－ XM(地圖上小光點)就可以知到邊度有較多精靈，但當然家下嘅輔助程式更加西利！唔洗等陳豪講：同朕Check嚇！，就已經幫你一掃睇曬邊度有咩怪！

左：《Ingress》右：《Pokemon Go》

3. 比卡超開局

一開波博士會比大家揀「御三家」你揀，不過永遠都有一班玩家係鐘意揀比卡超。為咗滿足呢一班玩家《Pokemon Go》入面只要你喺選擇御三家嘅時候，唔理佢地3隻野，起勢咁繼續行。當行到一定距離佢就會更新一次，當更新第四次(定第五次)嘅時候，你就會見到比卡超喺你面前喇！

4. 伊貝進化自己揀 改名大法

之前都教過大家伊貝進化-教你點揀「雷、水、火」，透過改名玩家可以揀自己想要進化，但呢1/2日官方可能已經修改左呢個方法，身邊都有朋友表示改完都唔能夠100%成功，但今日亦有朋友成功進到，可能目前水伊貝太強比另外2隻太多人選擇進佢，而轉返隨機進化。但點都好，反正本身都隨機進化，改埋名先進都可以試一下！

雷伊貝改名：Sparky

水伊貝改名：Rainer

火伊貝改名：Pyro

5. 打橫部機玩《Pokemon GO》

等我教大家點樣可以打橫部機去玩，首先係地圖上面按個精靈球按鈕，之後係右上方向按設定，首先確定開咗部電話自動轉向功能，亦先橫向電話，之後按Report High-Priority Issue，會開啟咗網頁，係呢個時候退回主畫面再入返遊戲就可以轉成橫各模式！

6. 捉齊地區限定寵

《Pokemon GO》目前地區限定有4隻分別係澳洲限定：袋獸、歐洲限定：吸盤小丑、北美限定：大隻牛、亞洲限定：火蔥鴨。想捉齊哂佢地唔通要去齊澳洲、歐洲、北美同亞洲？有日本玩家先成功靠孵5km蛋將大隻牛係日本出世，另外果3隻都包括係5km蛋大家除咗去均指定地區外，孵蛋都係一個唔錯嘅方法！

7. 無限道具大法

《Pokemon GO》嘅道具效果得30分鐘，而且仲係靠一開始升級嘅獎勵嚟，Lucky egg、Incense都係升級寶物嚟好快就用哂啦，網上有流傳方法可以無限延長時間，但大家留意呢個方法可能有影響遊戲公平性會有機會被鎖AC，方法喺透過當開啟道具之後，將電話時間調教為人手修改，把電話時間調慢(據知盡量1個鐘內)，之後就會發現開啟道具時間亦都會增長，只要不停重覆就可以無限延長時間！

為咗測試呢個方法真假，開咗個新AC去進行測試，發現道具時間喺成功能夠延長，但過程定位情況比較不穩定，經常無法找到GPS定位(唔知有無關係），大家請考慮清楚先好試。

文章來源: https://www.twgreatdaily.com/cat99/node1198796

轉載請註明來源：今天頭條