近期Bobby歐華震華打救TVB收視，加埋之前吳啟華，好明顯系TVB現有男一唔夠撐場嘅表現喎！

話說TVB新劇民初功夫片「城寨英雄」，當中主角有陳展鵬、袁偉豪同胡定欣，劇情都未出，就有香港網友已經紛紛話「有陳展鵬唔想睇」，負評多過正評好多。

而且負評原因非常多，有人話佢演技差、有人話佢份人靠擦鞋上位、有人話佢膠面。

其實陳展鵬已經系TVB近年力捧男一，接穩上一代吳卓羲、鄭嘉穎、林峯嘅捧，成為TVB親生仔，亦同時接埋上一代呢幾位「負評王」嘅捧。

其實TVB近年力捧新一代男一，又有邊個合你心水？

陳展鵬

關於陳展鵬，最為人熟悉系佢戴眼鏡嘅膠面，同埋來自亞視；自2013、2014年開始受力捧做男一，基本上一轉會就扶搖直上；但負面新聞不斷，被人話「扮大牌」、「不和其他男藝人」等等，加上演技麻麻，被香港網民認為系「懶有型」、「Chok樣」，唔少人仲話佢擺明擦鞋冧高層先上到位喎。

洪永城

來自有線，為人熟悉系同翠如BB嘅純粹友情加少許愛情加多多感情，總之炒完又炒嘅拍拖新聞，連帶女友唐詩詠都炒紅埋。不過佢做旅遊節目系好睇，但做男一就真系睇到人火滾，好多人話之前套《張保仔》跟足Johnny Depp嘅造型已經夠恐怖，加上永遠一個樣嘅表情；仲有《實習天使》黑起塊面扮惡，都令人非常頂唔順。

羅仲謙

出道至今都以陽光大隻仔形象示人，亦備受力捧做男一，不過佢都算慘，第一套擔正嘅《衝線》畀蔡思貝「一人累全家」令劇集負評四起，估唔到之後男二《潮流教主》又系有蔡思貝份，結果同樣被恥笑到2046 ，至今為止都完全無一套代表作，唯一令人熟悉系「楊怡老公」，完。

蕭正楠

落難歌手蕭正楠自2013年《巨輪》正式擔正後，更一直穩坐男一之位，不過由於佢本身已經喺歌手時期因為囂張而得罪一班香港網民，加上做男一後更連翠如BB都私有化，所以好多香港網民都唔buy。但系TVB嚟緊幾套大卡士長篇劇都系佢擔正喎。

轉載請註明來源：今天頭條