因為受到唔同情況影響，好多時候人都會不期然咁講返個大話，為自己解圍之餘更令自己好過一啲。例如有時候接到另一半嘅奪命追魂Call又無即時復電話，事後講返句自己當時忙緊或者就能夠緩和緊張情緒。

咁究竟喺一段嘅關係裡面，有邊啲嘅大話系你講完對方都唔會咁易發脾氣，而且仲可以令你輕易過骨，甚至大家可以開心返嘅呢？

1. 我飲咗幾杯咋！

好多人同啲兄弟出去玩嘅時候，都會因為高興而飲多幾杯，唔覺唔覺就飲到自己wing wing下咁返屋企。入到門口喇喎？已經等你等到唔耐煩嘅另一半，一下劈落黎嘅當然就系：「你飲咗幾多？！」呢句經典對白。面對咁嘅情況，好多時候你輕輕答返佢一半嘅數量佢哋都會接受嘅。

2. 我無望其他女仔呀！

人本能上其實真系鍾意見到靚嘢嘅，所以男人自己都明白喺街上見到個靚女，自然都會抬頭望下。雖然大家都會有個咁嘅自然反應，但你儘量都唔好承認自己真系走咗去睇女仔好。就算比人發現，你都系補返句「我無望其他女仔呀！」

3. 就返架喇我！

佢哋系唔知你去咗邊，同埋真系做緊啲乜，但佢哋會知道你同朋友玩得好盡興所以暫時仲未返到屋企。當佢哋打嚟比你，你基本上都系得兩個回答選項：1.「得啦我咁大個人駛唔駛你管呀？我自有分數！」；2.「飲埋呢杯就走架喇好快！等多陣啦BB！」所以選擇第二個答案嘅明顯會令你嘅另一半容易接受好多啦！

4. 系咯！我都覺得你講得好啱。

雖然對於你另一半講嘅嘢你未必認同，但如果你真系直接話佢錯嘅話，佢好大可能會超大反應，覺得你身為佢最親嘅人都唔幫佢令佢怒髮衝冠。所以為免令大家突然面阻阻，不如就贊同佢就算啦，咁反為會和好收場。

5. 我啲兄弟搵我。

收到一個好耐無見嘅女性朋友來電或微信，令你喺聽到電話或者睇信息時笑咗一笑，喺呢個情況之下，你嘅另一半可能就會顯得相當敏感，問你同緊邊個傾計。咁你喺呢個時候，同直接答系女仔打嚟就麻煩喇，你可以答佢系啲兄弟搵你，咁就唔會令佢即時反面。

6. 我唔睇愛情動作片架！

雖然睇愛情動作片系每一個男人生理上嘅需要，但對於某啲女性嚟講，睇愛情動作片系會一律被視為「偷食」，令唔少男仔都要戰戰兢兢咁偷睇。如果你真系避無可避，另一半真系唔比你睇但又需要解決生理需要嘅話，唯一可以做嘅就系同佢講自己無咁嘅嗜好，講真真系無傷大雅。

7. 應承你下次先。

當你同另一半親熱嘅時候，好多時男人都會選擇喺前戲採取主動先，而並唔系由女方牽引帶領。假如你遇到另一半希望你服侍咗佢先，先至到你，而你又唔系好想嘅話，咁你或者可以氹住佢話「下次先啦」，相信佢其實都並唔會介意嘅。

8. 你系我得到最珍貴嘅一樣寶物！

講出嚟佢一定會信，而且講完佢又會更加鍾意你，何樂而不為？

9. 你阿媽好好人。

可能你心底入邊覺得佢阿爸好啲，但因為大家都系阿媽生嘅，所以多數都對阿媽個感覺會強烈少少。而為咗等你嘅另一半知道你系想融入佢屋企，你或者就可以同佢講覺得佢阿媽好好人，講到自己阿媽都有佢阿媽咁好就一流咁，自自然然佢都就會對你更有好感。

10. 我都好愛你。

愛其實系一樣非常複雜嘅情緒，而坦白講真系唔系個個都識得對愛自己嘅人投以同等程度嘅愛。所以加入你覺得自己付出嘅比唔上自己另一半，好似心底裡面唔夠佢愛自己咁多，其實都唔怕同對方講自己深愛著對方，因為真實感受都只有你一個知道。

轉載請註明來源：今天頭條