有啲人，一睇見佢，唔使講嘢，就已經想笑出嚟。即使佢黑面，我哋都會覺得佢系響度扮緊「冷麵笑匠」。

有啲時候，即使佢哋系好認真咁做緊某啲嘢，人哋都系會覺得佢哋系度「搞gag」。

日常生活中，一睇佢就覺得搞笑，唔一定系好事。因為「腦細」可能會覺得你吊兒郎當，做嘢唔可靠；朋友會覺得你系底線無極限嘅人，會唔識得尊重你。

但喺娛樂圈，假如你有令人發笑嘅能力，你就等於成功咗一半。因為觀眾睇戲睇劇，無非都系想輕鬆一下啫。

無厘頭之王——周星馳

周星馳喜劇之王，呢一個印象實在系太深入民心了，觀眾未見其人，只聽到「周星馳」三個字嘴角已經開始上揚。所以到咗後嚟佢想轉型拍啲正經嘅戲，演返一個正常人，觀眾就會覺得「周星馳」點解唔再搞笑喇？！

棟篤男神——黃子華

黃子華笑匠嘅形象嚟自佢嘅棟篤笑，但其實子華嘅棟篤笑如果了解到背後含義好多時候系笑唔出。縱然如此，觀眾睇見子華仲系覺得開心，開心到見到佢會拍佢個頭（子華曾經喺佢嘅棟篤笑中講過），或者開心到見到佢會叫佢回水！除褲！

跑男笑果——李光洙

李光洙喺"Running Man"中嘅搞怪演出令佢成功俘虜咗唔少粉絲，令他獲得「亞洲王子」嘅稱號。而佢喺香港拍嘅能得利糖果廣告，亦都好搞笑……

「撚得利」洗腦歌！李光洙x魯芬扮小學雞勁搞嘢！▼▼▼

Rap界9upper——農夫

睇唔睇得明咩叫「9upper」？唔系貶義喎，而系佢哋嘅主流音樂，歌曲以嘻哈說唱為主，歌詞內容輕鬆幽默。而佢哋講嘢一向搞鬼，二人一唱一和同Do Do姐喺「Do姐去Shopping」鬥嘴亦睇到大家不亦樂乎。

轉載請註明來源：今天頭條